દેશમાં (India) ઓમિક્રોને (Omicron)ની એન્ટ્રી થઈ છે. સ્વાસ્થ્ય મંત્રાલયે (Health Ministry) આજે કહ્યું કે છેલ્લા 24 કલાકમાં દેશમાં ઓમિક્રોનના બે કેસ નોંધાયા છે. બંને કેસ કર્ણાટકમાંથી (Karnataka) મળી આવ્યા છે. જેમાંથી એક સંક્રમિતની ઉંમર 66 અને બીજાની 46 વર્ષની છે. તેના તમામ સંપર્કોની ઓળખ કરી લેવામાં આવી છે અને તેના પર નજર રાખવામાં આવી રહી છે. પ્રોટોકોલનું પાલન કરવામાં આવી રહ્યું છે. કેન્દ્રીય સ્વાસ્થ્ય મંત્રાલયે કહ્યું કે અત્યાર સુધીમાં લગભગ 29 દેશોમાં ઓમિક્રોન વેરિઅન્ટના 373 કેસ નોંધાયા છે. હવે તેણે ભારતમાં પણ દસ્તક આપી છે.
કોરોનાના નવા વેરિએન્ટ ઓમિક્રોનને લઇને ભારત સરકારના સ્વાસ્થ્ય મંત્રાલયે WHO ના હવાલાથી જણાવ્યું કે ઓમિક્રોન વેરિએન્ટ કોરોનાના ડેલ્ટા વેરિએન્ટથી વધુ ખતરનાક છે અને તે ઝડપથી ફેલાવવાની આશંકા વ્યક્ત કરવામાં આવી રહી છે. આ વેરિએન્ટ 29 દેશમાં ફેલાઇ ચૂક્યો છે. દેશમાં પણ કોરોનાના નવા વેરિયન્ટ ઓમિક્રોનના 2 કેસ મળ્યા છે. આ બંને દર્દી કર્ણાટકના રહેવાસી છે. આ પૈકીના એકની ઉંમર 46 વર્ષ અને બીજાની ઉંમર 66 વર્ષ છે. તેમનો રિપોર્ટ બુધવારે મોડી રાત્રે મળ્યો હતો. બંનેની સારવાર ચાલી રહી છે અને તેમની દેખરેખ રાખવામાં આવી રહી છે. સ્વાસ્થ્ય મંત્રાલયે કહ્યું કે આપણે ભય કે ભયનું વાતાવરણ ઊભું કરવાની જરૂર નથી. આપણે કોરોના પ્રોટોકોલને અનુસરીને કોરોનાની વેક્સિન અપનાવવાની છે. સરકાર સ્થિતિ પર નજર રાખી રહી છે. હેલ્થ મિનિસ્ટ્રીના જોઈન્ટ સેક્રેટરી લવ અગ્રવાલે ગુરુવારે આ અંગેની માહિતી આપી છે.
ICMRના ડીજી બલરામ ભાર્ગવે જણાવ્યું હતું કે સ્વાસ્થ્ય મંત્રાલય દ્વારા સ્થાપિત 37 પ્રયોગશાળાઓના INSACOG કન્સોર્ટિયમના જીનોમ સિક્વન્સિંગ દ્વારા કર્ણાટકમાં અત્યાર સુધીમાં ઓમિક્રોનના બે કેસ મળી આવ્યા છે. આપણે ગભરાવાની જરૂર નથી, પરંતુ જાગૃતિ ખૂબ જરૂરી છે. બંનેની સારવાર ચાલી રહી છે અને તેમની દેખરેખ રાખવામાં આવી રહી છે.
કેન્દ્રીય સ્વાસ્થ્ય મંત્રાલયના સંયુક્ત સચિવ લવ અગ્રવાલે કહ્યું હતું કે કોરોનાનો નવો વેરિયન્ટ ઓમિક્રોન ઝડપથી ફેલાવાની શક્યતા છે. હવે ઓમિક્રોનના 29 દેશમાં 373 કેસ મળ્યા છે. નવો વેરિયન્ટ ડેલ્ટાથી 5 ગણો ઝડપથી ફેલાય છે. તેમણે કહ્યું કે ઓમિક્રોન વેરિઅન્ટના હજુ સુધી કોઈ ગંભીર લક્ષણો જોવા મળ્યા નથી. ઓમિક્રોન સંબંધિત તમામ કેસોમાં અત્યાર સુધીમાં હળવા લક્ષણો જોવા મળ્યા છે. અત્યાર સુધી દેશમાં અને સમગ્ર વિશ્વમાં આવા તમામ કેસોમાં કોઈ ગંભીર લક્ષણો જોવા મળ્યા નથી.
