National

અયોધ્યામાં રામ મંદિરની નીચે મળ્યા પ્રાચીન મંદિરના અવશેષો, તસવીર થઈ વાયરલ

HTML Button Generator

નવી દિલ્હી: અયોધ્યામાં (Ayodhya) રામ મંદિર (Ram Mandir) નિર્માણનું કામ ચાલી રહ્યું છે. આ ખોદકામ દરમિયાન એક પ્રાચીન મંદિરના અવશેષો મળી આવ્યા હતા. તેમાં ઘણી પ્રતિમાઓ અને સ્તંભોનો સમાવેશ થાય છે. શ્રી રામ જન્મભૂમિ તીર્થ ક્ષેત્ર ટ્રસ્ટના મહાસચિવ ચંપત રાયે પોતે સોશિયલ મીડિયા દ્વારા આ માહિતી જાહેર કરી હતી.

તેમણે એક ફોટો શેર કર્યો છે જેમાં આ અવશેષો ભેગા કરીને એક ઠેકાણે મુકવામાં આવ્યા છે. ચંપત રાય ઘણીવાર મંદિરના નિર્માણ સાથે જોડાયેલા ફોટા શેર કરે છે. હાલમાં રામ મંદિરના પહેલા માળનું નિર્માણ કાર્ય પૂર્ણતાની નજીક છે.

નોંધનીય છે કે આ પ્રથમ વખત છે કે મંદિરના નિર્માણ દરમિયાન ખોદકામ દરમિયાન મળેલી વસ્તુઓની તસવીરો સામે આવી છે, જેમાં એક ડઝનથી વધુ મૂર્તિઓ, સ્તંભો, પથ્થરો વગેરેનો સમાવેશ થાય છે, જેમાં ખડકો પર દેવી-દેવતાઓના શિલ્પો કોતરેલા જોવા મળે છે. મંદિરોમાં સ્થાપિત સ્તંભો પણ ફોટામાં દેખાય છે. કહેવામાં આવી રહ્યું છે કે ખોદકામ દરમિયાન મળેલા આ અવશેષોને રામલલ્લાના ભવ્ય મંદિરમાં ભક્તોના દર્શન માટે રાખવામાં આવશે.

એવું જાણવા મળે છે કે જ્યારે મંદિરનું નિર્માણ શરૂ થયું ત્યારે લગભગ 40 થી 50 ફૂટ ખોદકામ કરવામાં આવ્યું હતું. આ તમામ વસ્તુઓ મંદિર સંકુલના ખોદકામ દરમિયાન મળી આવી હતી, જે હિન્દુ પક્ષના દાવાને વધુ મજબૂત બનાવે છે. ASIના સર્વેમાં ઘણી વસ્તુઓ પણ મળી આવી હતી. મંદિર-મસ્જિદ કેસની સુનાવણી દરમિયાન કોર્ટે આ બાબતને ધ્યાને લીધી હતી.

જાન્યુઆરી 2024માં રામલલ્લાની મૂર્તિની પ્રાણ પ્રતિષ્ઠા થશે
તમને જણાવી દઈએ કે રામ મંદિરનું નિર્માણ કાર્ય ખૂબ જ ઝડપથી ચાલી રહ્યું છે. પહેલો માળ લગભગ બનીને તૈયાર છે. જાન્યુઆરી 2024માં વડાપ્રધાન નરેન્દ્ર મોદી તેનું લોકાર્પણ કરશે. મૂર્તિઓની પ્રાણપ્રતિષ્ઠા પછી પણ નિર્માણ કાર્ય ચાલુ રહેશે. રામ મંદિર ટ્રસ્ટ સાથે સંકળાયેલા સૂત્રોના જણાવ્યા અનુસાર પહેલો માળ અને બીજા માળનું કામ ડિસેમ્બર 2024 સુધીમાં પુરું કરી લેવામાં આવશે. જાન્યુઆરી સુધીમાં મૂર્તિ સ્થાપિત થઈ જશે. ત્યાર બાદ ભક્તો દર્શન કરી શકશે.

Most Popular

To Top