The Latest
-
Businessસુપ્રીમ કોર્ટે કહ્યું- જો લોકોને મફત ખોરાક મળશે તો તેઓ કામ કેમ કરશે? સરકાર લોકોને રોજગાર આપે
-
Businessહોળી-ધૂળેટી પર મુસાફરોને રાહત: એસ.ટી.ની 1,300 વધારાની બસો દોડશે, ડાકોર અને દ્વારકા માટે પણ બસો
-
SURATસુરતમાં અફવાઓ વચ્ચે પોલીસનો કડક સંદેશ: “બાળકોની સુરક્ષા પર કોઈ સમજૂતી નહીં!”
-
Businessશેરબજારમાં ઉથલપાથલ: સેન્સેક્સ 1000 અંક ઘટ્યો, નિફ્ટી 300 પોઇન્ટ નીચે, બજારમાં 4 લાખ કરોડનું નુકસાન થયા હોવાનો ગણગણાટ
-
Nationalટ્રાન્સજેન્ડર અને ગે યુગલોના લિવ-ઇન સંબંધો પર અલાહાબાદ હાઇકોર્ટનું મહત્વપૂર્ણ નિવેદન
-
Businessમુકેશ અંબાણીએ ભારતને ‘ઇન્ટેલિજેંસ યુગ’માં લઈ જવા માટે 10 લાખ કરોડ રૂપિયાના રોકાણની જાહેરાત કરી
-
Gujarat4.08 લાખ કરોડનું ‘જ્ઞાન’ થીમ આધારિત 2026-27નું ગુજરાતનું બજેટ સાથે વિકાસને નવી દિશા – વિકાસ પ્રોજેક્ટને 65 ટકા ફાળો
-
Sportsબાંગ્લાદેશ ભારત અને BCCI સાથે સંબંધો સુધારવા માંગે છે: રમતગમત મંત્રી અમીનુલ હક
-
Gujarat૬ પ્રદેશમાં ૮૦થી વધુ પ્રોજેક્ટ, ૬,૬૦૦ કરોડથી વધુ ફાળવણી; ૨૦૨૬ ‘રાજ્ય પ્રવાસન વર્ષ’ તરીકે જાહેર, ૬,૭૩૭ કરોડની વિશેષ જોગવાઈ
-
Gujaratએલ.ડી. કોલેજ ઓફ એન્જિનિયરિંગ કોલેજમાં રિસર્ચ પાર્ક સ્થાપવાની મહત્વાકાંક્ષી યોજના
-
SURATસુરતમાં ગુંડાગીરીનો ગાજતો કિસ્સો:દહેશત ફેલાવનાર ચિરાગ ગોટીનું ફરી રી-કન્ટ્રક્શન,પોલીસનો કડક પ્રહાર
-
Vadodaraમેટ્રિમોનિયલ સાઇટ પરથી લગ્ન કર્યા બાદ ખબર પડી કે પત્નીના બે અફેર છે…
-
Gujaratઉચ્ચ અને ટેકનિકલ શિક્ષણમુખ્યમંત્રી યુવા સ્વાવલંબન યોજના(MYSY) અંતર્ગત ૯૦ હજારથી વધુ વિદ્યાર્થીઓને સહાય આપવા રૂ. ૪૦૦ કરોડ.
-
Worldબિલ ગેટ્સ AI સમિટમાંથી ખસી ગયા: એપ્સટિન કેસ ફાઇલોમાં તેમનું નામ આવ્યા પછી નિર્ણય લીધો
-
Gujaratરમતગમત, યુવા અને સાંસ્કૃતિક પ્રવૃત્તિઓના વિભાગ માટે રૂ.૨૦૦૬ કરોડની જોગવાઇ
-
Vadodaraવડોદરા પોલીસ ભવન પાસે મુખ્ય પાણીની પાઇપલાઇનમાં ભંગાણ, રસ્તાઓ પર રેલમછેલ
-
Gujaratકૃષિ, ખેડૂત કલ્યાણ અને સહકાર વિભાગ માટે ૨૪,૦૨૨ કરોડની જોગવાઇ
-
Gujaratનવજાત શિશુઓની સુરક્ષા માટે ૧૧ નવી ‘નિયોનેટલ એમ્બ્યુલન્સ’ને ગાંધીનગરથી લીલીઝંડી
-
Gujaratરૂપિયો ક્યાંથી આવશે અને ક્યાં જશે?
-
NationalPM મોદીએ AI સમિટમાં MANAV વિઝન રજૂ કર્યું, કહ્યું- AI નૈતિક, જવાબદાર અને માનવ-કેન્દ્રિત હોવું જોઈએ
-
Gujaratબજેટ અડગ વિશ્વાસ અને અવિરત વિકાસની પ્રતિબદ્ધતાનું પ્રતિબિંબ: મુખ્યમંત્રી
-
Gujaratખેડૂતોના દેવા માફ કરો – વિધાનસભાની બહાર બહાર દેખાવો – સૂત્રોચ્ચાર
-
Gujarat2047ના સપનાઓ, પરંતુ આજની સમસ્યાઓથી મોં ફેરવતું બજેટ- ગુજરાતને વાસ્તવિક રાહત જોઈએ- કોગ્રેસ
-
SURATનો-એન્ટ્રીનો ભંગ કરનાર ૮૪ ભારે વાહનો પર કડક ચાબુખ,સુરત ટ્રાફિક પોલીસની વિશેષ ડ્રાઇવ
-
Businessસ્કૂલ-કોર્ટને બોમ્બથી ઉડાવવાની ધમકીનો મેલ કેલિફોર્નિયાથી રૂટ થયો હતો
-
Vadodaraવડોદરામાં બે સ્થળે લૂંટ: મોપેડ પર આવેલા ગઠિયાઓએ મહિલા અને વૃદ્ધને નિશાન બનાવ્યા
-
SURATવિદેશમાં દીકરી પર હુમલો,સુરતમાં ધમકી,મહિલા કોર્પોરેટરના પરિવારે ઉઠાવ્યો અવાજ બિલ્ડરને નોટિસ બાદ રાજકીય ગરમાવો
-
SURATરીક્ષામાં સેટિંગ, ખિસ્સામાં હાથે સફાઈ!
-
Vadodaraબાજવા-છાણી ગરનાળા નીચે ફરી ભારદારી વાહન ફસાયું : બે દિવસમાં બીજી ઘટનાથી લોકોને હાલાકી
-
Vadodaraગોત્રીમાં વન-વે બનેલા જોખમી માર્ગે સર્જ્યો અકસ્માત, ઇકો અને બાઇક વચ્ચે જોરદાર ટક્કર
એક કાલ્પનિક કથા છે. યમરાજના દરબારમાં પૃથ્વીલોક પરથી આયુષ્ય પૂર્ણ થતાં ચાર વ્યક્તિઓને લાવવામાં આવી. તેમાં એક વેપારી માણસ, એક વૈજ્ઞાનિક, એક આધેડ વયની મહિલા અને એક યુવતી. આ ચારેયના મુખારવિંદ પર ભારે ગમગીની હતી. યમરાજે તેમની તરફ નજર કરી મલકાતા ચહેરે પૂછ્યું કે ‘‘તમે બધાં કેમ ઉદાસ છો? શું પૃથ્વી ઉપર તમારી કોઈ મનગમતી વસ્તુઓ રહી ગઈ છે?’’ આ સાંભળીને વેપારી તરત જ બોલ્યો ‘‘હું મોટો અનાજ- કરિયાણાનો વેપારી- વેપારમાં રાતદિવસ ખૂંપેલો, અનાજ સડી ન જાય તે માટે ખૂબ કાળજી રાખું. એક નંબરનું અનાજ વેચું. મેં આખી જિંદગી અનાજ સાચવ્યું પણ મારા ખુદનાં છોકરાંને ન સાચવ્યાં-તેઓ બગડી ગયાં, સમાજમાંથી દૂર ફેંકાઈ ગયાં.’’
વિજ્ઞાનીએ ક્હ્યું- ‘‘હું બહુ મોટો વિજ્ઞાની છું, નાની ઉંમરથી જ મેં ખૂબ બધી સિધ્ધિઓ પ્રાપ્ત કરી છે. માન-સન્માન મેળવ્યાં છે. દેશ-વિદેશમાં ફર્યો છું. ખૂબ બધી ટ્રોફી અને એવોર્ડ મેળવ્યાં છે. અત્યારે તો હું મૃત્યુ પર વિજય કેવી રીતે મેળવી શકાય તેના પર સંશોધન કરી રહ્યો હતો. આ બધી ભાંજગડમાં મને મારાં સ્વજન, પરિવાર વિશે કાંઈ જ ખબર નથી.’’ આધેડ વયની મહિલાએ ખૂબ આક્રોશ સાથે પોતાનો અસંતોષ વ્યક્ત કરતાં કહ્યું કે- ‘‘હું સાવ જ મધ્યમ વર્ગની છું.
ઘરમાં પાંચ બાળકની માતા છું. મારો જીવનવ્યવહાર બરાબર ચાલી શકતો નહોતો. મને નોકર-ચાકર, ગાડી બંગલા બધું જોઈતું હતું તે ન મળતાં મારી જિંદગી નીરસ હતી.’’ છેલ્લે એક યુવતીનો વારો આવ્યો તો એ જોરથી જોરથી રડવા લાગી ફરિયાદ કરતી બોલી કે- ‘‘મને તો રોજ રોજ મરી જવાના જ વિચાર આવતા હતા, પોતે દેખાવમાં કુરૂપ હોવાથી કોઈ તેની સામે જોવા કે તેની સાથે સંબંધ રાખવા પણ તૈયાર નહોતું. ઘરમાં કે બહાર તેને તિરસ્કાર જ મળતો હતો, કોઈનો પ્રેમ તેને મળતો નહીં, સારું થયું તમે મને અહીં બોલાવી લીધી તો!’’
આ ચારે જણાની મનોભાવના જાણ્યા પછી યમરાજે તેમને કહ્યું- ‘‘તમને આ પૃથ્વીલોક પર અમૂલ્ય એવી માનવ જિંદગી મળી. તમને સૌને તમારી લાયકાત મુજબ બધું જ પ્રાપ્ત થયું તેમ છતાં ધન, સંપત્તિ-કીર્તિ, સુંદરતા, નામના વગેરેમાં તમે એવા મોહી પડ્યા કે તમે તમારી જિંદગીને પ્રેમ કરવાનો વિચાર જ ન કર્યો. ટેન્શન અને ડિપ્રેશનમાં જીવન જીવી રહ્યા અને જિંદગીનો સાચો આનંદ માણી ન શક્યા.
જગતને પામવાની, જાણવાની ઘેલછામાં ઘણી વાર પોતાની જિંદગીને ચાહવાનું જ બાજુ પર રહી જાય છે. બહાર વિસ્તરવાના નાદમાં ભીતરનો વિકાસ ભુલાઈ જાય છે. ભીતરમાં પીડા કણસતી રહે છે. એક યુવક એક યુવતીને ચાહતો હતો. યુવતી સામાન્ય ઘરની હતી. યુવક પણ સામાન્ય ઘરનો હતો. બંનેના લગ્નમાં કોઈ મુશ્કેલી નહોતી. બંનેનાં માતાપિતા પણ સંમત હતાં પરંતુ યુવાનના મનમાં ખૂબ જ આગળ વધવાની મહેચ્છાઓ હતી. ધન અને કીર્તિ એક સામાન્ય ઘરના સંતાન માટે એ મુશ્કેલ હતું. અચાનક એમની જ જ્ઞાતિના ખૂબ જ શ્રીમંત ઘરની પુત્રીનું માંગું આવ્યું. યુવાનના મનમાં પડેલી મહેચ્છાઓ સળવળી ઊઠી. એ બધું જ ભૂલી ગયો, પેલી પ્રેમિકાનો પ્રેમ પણ ભૂલી ગયો તેને તરછોડીને એણે લગ્ન માટે શ્રીમંત ઘરની પુત્રીને હા પાડી દીધી.
આ લગ્નને કારણે એને ખૂબ પૈસા મળ્યા. જિંદગીમાં ખૂબ એશો-આરામ મળ્યા પણ પત્નીનું સુખ ન મળ્યું. જિંદગીની જે ચાહત હતી તે વિસરીને તેની ખરી પત્ની સાથે સુખ માણી જ ન શક્યો. પત્ની સાથે ક્યારેય મનમેળ થયો નહીં. જીવતો હતો પણ જીવનરસ ન હતો. આમ આપણે સંસારમાં જોઈએ તો પ્રત્યેક માનવીની દૃષ્ટિ ભૌતિક પદાર્થો પર જ ટકેલી છે. જીવનનું ધ્યેય પ્રતિષ્ઠા, ધનદોલત વગેરે પ્રાપ્ત કરવાનું એક માધ્યમ બની રહે છે. માણસને બધું જ બાહ્ય રીતે ગમે છે. ભોગવિલાસમાં રચ્યાંપચ્યાં રહી આનંદ માણી શકે છે પરંતુ આ બધાની વચ્ચે સ્વને ભૂલી જાય છે. તેને યાદ આવતું નથી કે મારી ભીતર પણ મારી પોતાની એટલે કે ‘સ્વ’ની એક અલગ જિંદગી છે. પોતાની જિંદગીને પોતે જ કેમ ચાહતો નથી? માણસ પાસે બધું જ છે, સરસ મજાનું ઘર છે, ખોબામાં સમાઈ જાય એવું નાનું અમથું કુટુંબ છે પરંતુ એને ચાહવાનો સમય ક્યાં છે? પત્નીને સગવડ બધી જોઈએ છે પણ પતિની પૈસા પાછળની દોટ એને ગમતી નથી. આખો દિવસ ઘરની બહાર તો અમારું શું?
પોતાના કરતાં બીજા કેમ વધારે સુખી? તેને જીવનમાં અભાવ જ વર્તાય છે તેથી જીવન નીરસ બને છે, જે માણસો પોતાની જિંદગીને પ્રેમ કરી શકતા નથી, પોતાની જિંદગીને ચાહી શકતા નથી, તેઓ બીજાને પણ પ્રેમ કરી શકતાં નથી. દંભી બનીને સામેની વ્યક્તિને પોતાના પ્રિયજન છે તેવો અહેસાસ કરાવવા ‘આઈ લવ યુ’ બોલનારની સંખ્યા સમાજમાં ઘણી છે પણ જે પોતાની જાતને પ્રેમ કરે છે તેની પાસે એક સુંદર કળા છે, પ્રેમ આપે છે અને પ્રેમ મેળવે છે. આવા માણસોની ભાવનામાં મીઠાશ, સ્વભાવમાં સુવાસ, પ્રેમનો અહેસાસ હોય છે. ત્યારે જ તેમનું જીવન અને જિંદગી બંને સુંદર બને છે. બીજાનાં આંસુ લૂછતાં જેને આવડે છે તે ચિત્તની પ્રસન્નતા મેળવી શકે છે. આ જ તો છે જીવનનો વૈભવ જેના દ્વારા તેની જિંદગી નંદનવન બની જાય છે.
તો વાચકમિત્રો! ખુદને ચાહો તો ખુદા પણ હાથવેંતમાં છે. ભૌતિક પદાર્થો કરતાં પણ જિંદગી પ્રત્યેની ચાહના રાખો કારણ જ્યાં છે માત્ર પ્રેમ-પ્રેમ-પ્રેમ…..! જિંદગી ખૂબસૂરત ગિફ્ટ છે. જીવન છે સમસ્યાઓ તો આવવાની જ. ભગવાને જીવન અને મૃત્યુ બંને આપ્યાં છે. જિંદગીને વહાલી બનાવવી છે કે મૃત્યુને વહાલું બનાવવું છે? નિર્ણય આપણે કરવાનો છે. આ માટે જરૂર છે સાચી સમજણની. આપણે સૌ સંકલ્પ કરીએ કે આપણે પણ આપણી જિંદગીને ભરપૂર ચાહીએ. જિંદગી ખૂબ જ મજાની છે, જો તમને જીવતાં આવડે તો….!
- સુવર્ણરજ
- ફૂલોંકી તરહ મુસ્કુરાતે રહો
- સિતારોંકી તરહ, ઝગમગાતે રહો,
- જિંદગી કો ચાહતે રહો,
- સબકો પ્રેમ કરતે રહો…!