Latest News

એરપોર્ટ પર ભારતીય વ્હીલચેર ક્રિકેટર ભીમા ખૂંટી સાથેની ઉષ્માભરી મુલાકાત બાદ રણવીર સિંઘ ઓનલાઈન ઘણી પ્રશંસા મેળવી રહ્યો છે. એક વિડિયો પ્રમાણે રણવીર તેમનું સ્વાગત કરવા માટે રોકાઈ ગયો, તેની સાથે હાથ મિલાવ્યા, થોડી વાતચીત પણ કરી અને પછી ફ્લાઈટ માટે રવાના થતા પહેલા તેમને ઓટોગ્રાફ પણ આપ્યો. આ બનાવ સોશિયલ મીડિયા પર ઘણો ચર્ચામાં છે. ચાહકોએ રણવીરની ફક્ત ઓન સ્ક્રીન વિનમ્રતા માટે જ નહીં પણ ભીમા ખૂંટી એ અનુભવેલી ઓફ સ્ક્રીન નમ્રતા માટે પણ ઘણી પ્રશંસા કરી છે. તે એરપોર્ટ પર ક્રિકેટર ભીમા ખૂંટીને મળવા સામેથી રોકાય છે. ત્યાર બાદ ખુંટી પોસ્ટ મુકે છે કે, જીંદગી ક્યારેક તમને યાદગાર પળો આપે છે અને રણવીર સાથે વિતાવેલી પળો એવી જ યાદગાર છે. આજે મેં એવી અમૂલ્ય ક્ષણ મળી ગઈ. મને રણવીરને મળવાની તક મળી ગઈ. હું મારા જીવનમાં ઘણી વ્યક્તિઓને મળ્યો છું, પરંતુ, જે સાદગી, વિનમ્રતા અને આદરનો અનુભવ મને આજે થયો છે તે ખરેખર સ્પેશ્યલ છે.

એક સુપર સ્ટાર હોવું અલગ વાત છે પરંતુ, એક સારા માનવી હોવું તે વાસ્તવમાં તમને સ્ટાર બનાવે છે. આ પળ મારી સાથે આજીવન રહેશે.” તેની ‘ધુરંધર’એ વિશ્વભરમાં ૧૬૭૧ કરોડની કામણી કરી છે અને તે હજી ચોથા અઠવાડિયામાં પણ દર્શકોને આકર્ષિત કરી રહી છે. હવે, રણવીર સિંહ પ્રલય માં અભિનય કરવા માટે તૈયારી કરી રહ્યો છે. •