પશ્ચિમ બંગાળ ( WEST BANGAL) ના નંદિગ્રામ ( NANDIGRAM) માં રાજ્યના મુખ્યમંત્રી મમતા બેનર્જી ( CM MAMATA BENARJI) પર થયેલા કથિત હુમલા અંગે બંગાળ સરકાર દ્વારા મોકલવામાં આવેલા અહેવાલથી ચૂંટણી પંચ ( ELECTION COMMISSION) ને સંતોષ નથી. આયોગે મુખ્ય સચિવ પાસેથી વધુ માહિતી માંગી છે. રાજ્ય ચૂંટણી પંચના અધિકારીએ આ માહિતી આપી છે.
અધિકારીના જણાવ્યા મુજબ, રાજ્યના મુખ્ય સચિવ અલાપન બંદોપાધ્યાયે મમતા બેનર્જી પરના કથિત હુમલા અંગે ચૂંટણી પંચને એક અહેવાલ આપ્યો હતો, જેનાથી આયોગ સંતુષ્ટ નથી. આયોગે મુખ્ય સચિવ પાસેથી વધુ વિગતવાર અને સ્પષ્ટ અહેવાલ માંગ્યો છે. આ અહેવાલ શનિવારે સાંજે પાંચ વાગ્યા સુધીમાં રજૂ કરવાનો રહેશે. બંને નિરીક્ષકો પણ શનિવાર સાંજ સુધીમાં જાણ કરશે. શનિવાર સાંજ સુધી આયોગે તેમને મંજૂરી આપી છે. વિશેષ પોલીસ સુપરવાઈઝર વિવેક દુબે અને વિશેષ સુપરવાઈઝર અજય નાયક હવે અન્ય બાબતોની સાથે આ ઘટના સાથે સંબંધિત માહિતી પૂર્ણ કર્યા પછી રિપોર્ટ રજૂ કરશે.
નંદિગ્રામ સીટ માટે ઉમેદવારી પત્ર ભર્યા બાદ ચૂંટણી પ્રચાર દરમિયાન 10 માર્ચે પૂર્વ મેદનીપુર જિલ્લાના બિરુલિયા બજારમાં બેનર્જીને ઈજા થઈ હતી. બેનર્જીએ આરોપ લગાવ્યો હતો કે ચાર-પાંચ લોકોના હુમલામાં તે ઘાયલ થઈ હતી.
જિલ્લા વહીવટી તંત્રના વરિષ્ઠ અધિકારીએ મીડિયાને જણાવ્યું હતું કે આ વિસ્તારમાં એક દુકાનમાં સીસીટીવી ( CCTV) લગાવવામાં આવ્યા તો છે, પરંતુ તે કામ કરી રહ્યું ન હતું. સ્થાનિક લોકો, પ્રત્યક્ષદર્શીઓના મિશ્ર અભિપ્રાયો પ્રાપ્ત થયા છે. તેથી કોઈ નિષ્કર્ષ પર આવવું શક્ય નથી. આ ઘટના પછી, ચૂંટણી પંચએ રાજ્યના મુખ્ય સચિવ અને રાજ્ય માટે નિયુક્ત બે સુપરવાઇઝરો પાસે રિપોર્ટ માંગ્યો હતો.
મમતા બેનર્જીને હોસ્પિટલમાંથી રજા આપવામાં આવી
પશ્ચિમ બંગાળના મુખ્યમંત્રી મમતા બેનર્જીને એસએસકેએમ હોસ્પિટલમાંથી રજા આપવામાં આવી છે. જો કે, ડોકટરો કહે છે કે તે તેમને 48 કલાક નિરીક્ષણ હેઠળ રાખવા માંગતા હતા . હાલમાં દીદીને એક અઠવાડિયા પછી ચેકઅપ માટે કહેવામાં આવ્યું છે. મમતા બેનર્જી ઉપર કથિત રીતે નંદિગ્રામમાં હુમલો કરવામાં આવ્યો હતો, જેમાં તેમને ગંભીર ઈજાઓ થવાની માહિતી મળી હતી.
