મુંબઈ: રણબીર કપૂરની ‘બ્રહ્માસ્ત્ર’ સિનેમાઘરોમાં રિલીઝ થઈ છે ત્યારપછીથી દર્શકો આ ફિલ્મના (Film) બીજા ભાગની આતુરતાથી રાહ જોઈ રહ્યા છે. જણાવી દઈએ કે ‘બ્રહ્માસ્ત્ર’ને દર્શકોનો મિશ્ર પ્રતિસાદ મળ્યો હતો. અયાન મુખર્જીની આ ફિલ્મ ઘણા દર્શકોને પસંદ આવી છે. જોકે, હવે ફેન્સ એ જાણવા ઉત્સુક છે કે ‘બ્રહ્માસ્ત્ર 2’માં કયા સ્ટાર્સ (Stars) જોવા મળશે.
બ્રહ્માસ્ત્ર પાર્ટ વન શિવને જોનારા દર્શકો સારી રીતે જાણે છે કે આ ફિલ્મમાં શિવનું પાત્ર કેટલું મહત્ત્વનું છે. ‘બ્રહ્માસ્ત્ર 2’માં રણબીર કપૂરના પાત્ર શિવની સીધી ટક્કર દેવ સાથે થવાની છે. આ જ કારણ છે કે દર્શકોને હવે આ પાત્રમાં ખૂબ જ રસ છે. તે જ સમયે, સમાચાર આવી રહ્યા છે કે નિર્માતાઓએ બ્રહ્માસ્ત્ર 2 માં દેવની ભૂમિકા માટે KGF સ્ટાર યશનો સંપર્ક કર્યો છે. હવે તમે સમજી જ ગયા હશો કે બ્રહ્માસ્ત્રમાં દેવનું પાત્ર કેટલું મહત્ત્વનું હશે, જેના માટે નિર્માતાઓ બોલિવૂડથી લઈને ટોલીવુડ સુધી ચક્કર લગાવી રહ્યા છે.
મીડિયા રિપોર્ટ્સ અનુસાર, એવા પણ અહેવાલ છે કે યશે હજુ સુધી આ રોલ માટે મેકર્સને હા પાડી નથી. બ્રહ્માસ્ત્રમાં દેવના રોલ માટે અત્યાર સુધી રણવીર સિંહ અને રિતિક રોશનના નામ સામે આવ્યા છે. કેટલાક ચાહકોનું કહેવું છે કે રણવીરના પિતાનો રોલ રણબીર ભજવશે અને માતા અમૃતાનો રોલ સ્ક્રીન પર દીપિકા પાદુકોણ ભજવશે. તે જ સમયે, ઘણા લોકો હૃતિકનું નામ પણ લઈ રહ્યા છે. જોકે, મેકર્સે હજુ સુધી આવી કોઈ વાત પર પ્રતિક્રિયા આપી નથી
એવું કહેવામાં આવી રહ્યું છે કે માત્ર ‘બ્રહ્માસ્ત્ર’ જ નહીં પરંતુ એક્સેલ એન્ટરટેનમેન્ટ પણ ‘કર્ણ’ માટે યશને બોર્ડમાં લાવવા માંગે છે. તે મહાભારત પર આધારિત પૌરાણિક મહાકાવ્ય હશે. જણાવી દઈએ કે રણબીર કપૂર, આલિયા ભટ્ટ, અમિતાભ બચ્ચન સિવાય નાગાર્જુન જેવા મોટા સાઉથ સ્ટાર્સ પણ ‘બ્રહ્માસ્ત્ર’માં જોવા મળ્યા હતા, જેના કારણે મેકર્સને પણ ઘણો ફાયદો થયો હતો.
