યુ.એસ. સ્થિત મર્ક અને રિજબેક બાયોથેરાપ્યુટિક્સ દ્વારા સંયુક્ત રીતે વિકસિત, રોગચાળા સામેની લડતને પ્રોત્સાહન આપવા માટે, બ્રિટન ગુરુવારે વિશ્વનો પ્રથમ દેશ બન્યો જેણે સંભવિત ગેમ ચેન્જર COVID-19 એન્ટિવાયરલ ગોળીને મંજૂરી આપી દીધી છે. (Covid-19 Pill)
બ્રિટનની મેડિસિન્સ એન્ડ હેલ્થકેર પ્રોડક્ટ્સ રેગ્યુલેટરી એજન્સી (MHRA)એ ક્લિનિકલ ડેટાને ટાંકીને, COVID-19 પોઝીટીવ આવ્યા પછી અને લક્ષણોની શરૂઆતના પાંચ દિવસની અંદર શક્ય તેટલી વહેલી તકે દવા, મોલનુપીરાવીરનો (Molnupiravir) ઉપયોગ કરવાની ભલામણ કરી છે.
કોવિડ-19 માટે આ પ્રથમ મૌખિક એન્ટિવાયરલ ટ્રીટમેન્ટ (Covid-19 Oral Pill) છે જેને મંજૂરી મળી છે, જેમાં સંભવિત યુએસ રેગ્યુલેટરી ક્લિયરન્સ પહેલા લીલી ઝંડી આવી છે. અમેરિકી સલાહકારો આ મહિને મોલનુપીરાવીરને અધિકૃત કરવી જોઈએ કે કેમ તે અંગે મત આપવા માટે મળશે.
વિશ્વભરમાં 5.2 મિલિયનથી વધુ લોકો કોરોનાને કારણે મૃત્યુ પામ્યા છે. અત્યાર સુધી કોરોનાની સારવાર મુખ્યત્વે રસીઓ પર કેન્દ્રિત છે. ગિલિયડના ઇન્ફ્યુઝ્ડ એન્ટિવાયરલ રેમડેસિવીર અને જેનરિક સ્ટેરોઇડ ડેક્સામેથાસોન સહિતના અન્ય વિકલ્પો સામાન્ય રીતે દર્દીને હોસ્પિટલમાં દાખલ કર્યા પછી જ આપવામાં આવે છે.
મર્કના મોલનુપીરાવીરને ગયા મહિના ના ડેટાને નજીકથી અભ્યાસ કરતા જાણવા મળ્યું હતું કે બીમારીની શરૂઆતમાં આપવામાં આવે ત્યારે ગંભીર COVID-19નું જોખમ ધરાવતા લોકો માટે મૃત્યુની અથવા હોસ્પિટલમાં દાખલ થવાની સંભાવનાને અડધી કરી શકે છે.
બ્રિટિશ સરકાર અને દેશની નેશનલ હેલ્થ સર્વિસ (NHS) પુષ્ટિ કરશે કે દર્દીઓને “નિયત કોર્સ” માં સારવાર કેવી રીતે ગોઠવવામાં આવશે.
