કાલોલ: કાલોલ ખાતે વિવિધ વિસ્તારોમાં વીજ પોલ તેમજ વૃક્ષો પડી જવાને કારણે એમજીવીસીએલ એટલે કે જીઈબી નો સ્ટાફ ખડે પગે કામ કરી રહ્યો છે કાલોલ કસ્બા વિસ્તારમાં આવેલા નાળ ફળિયામાં ગુરુવારે બપોરના ૪:૩૦ કલાકે લાઈટ ના ડીપી માં કોઈ અગમ્ય કારણોસર ત્રણ જેટલા કર્મચારીઓ કામ કરી રહ્યા હતા તે દરમિયાન આગ લાગી જતા ભારે અફરાતફરીનો માહોલ સર્જાયો હતો.
જો કે ત્રણેવ કર્મચારીઓનો આબાદ બચાવ થયો હતો સ્થાનિક નાગરિકોએ નજીક મા પડેલી રેતી તગારા તગારા મારફતે આગ ઉપર નાખતા આગ કાબુમાં આવી હતી ટ્રાન્સફોર્મર સંપૂર્ણ રીતે બળીને રાખ થઇ ગયુ હતુ આ બનાવને પગલે એમજીવીસીએલના કાલોલ સબડિવિઝનના નાયબ ઈજનેર સહિત અધિકારીઓ નો સ્ટાફ ઘટના સ્થળે દોડી આવ્યો હતો સદ્દભાગ્યે મોટી હોનારત બનતા અટકી હતી આ વિસ્તાર નો વીજ પુરવઠો બંધ કરી દઈ આગળની કામગીરી શરૂ કરી હતી.
