ભરુચના ઝઘડિયામાં 9વર્ષીય બાળકી સાથે એક નરાધમે પાશવી બળાત્કાર ગુજારતા બાળકીને એસ.એસ.જી.હોસ્પિટલમા સારવાર અર્થે ખસેડવામાં આવી છે જ્યાં આજે ઝારખંડ સરકારના ગ્રામીણ વિકાસ અને પંચાયતી રાજ મંત્રી સહિત કુલ ત્રણ સભ્યોની ટીમ એસ.એસ.જી.હોસ્પિટલ ખાતે આવી પહોંચી હતી.
બાળકીના પરિવારને ઝારખંડ સરકાર તરફથી રૂ.4લાખની સહાય તંદઉપરાંત રૂ.50,000અન્ય મેડિકલ ખર્ચ માટે તાત્કાલિક આપવામાં આવ્યા
ઝારખંડના મંત્રીએ ગુજરાતમાં ઝારખંડ થી કામધંધા માટે આવતા શ્રમજીવીઓ ની સુરક્ષા તથા સુવિધાઓ મુદ્દે ગુજરાત સરકાર પાસે માંગ કરી છે
(પ્રતિનિધિ) વડોદરા તા. 18
ભરુચના ઝઘડિયામાં 9 વર્ષીય બાળકી પર તે જ વિસ્તારમાં રહેતા નરાધમે પાશવી બળાત્કાર ગુજાર્યો હતો જેના કારણે બાળકોની હાલત ગંભીર બની ગઇ હતી જેને ભરુચના સિવિલ હોસ્પિટલમાં ખસેડવામાં આવ્યા બાદ વડોદરા શહેરના એસ.એસ.જી.હોસ્પિટલમા ખસેડવામાં આવી છે જ્યાં હજી બાળકીની હાલત ગંભીર બની છે ત્યારે ઝારખંડ સરકારના મુખ્યમંત્રી હેમંત સોરેને ઘટનાની ગંભીરતાને ધ્યાનમાં રાખીને ત્રણ સદસ્યોની ટીમને વડોદરા ખાતે મોકલી હતી જેમાં ગ્રામીણ વિકાસ અને પંચાયતી રાજ મંત્રી દિપીકા પાન્ડે સિંગ તથા એડિશનલ ડીજી સુમન ગુપ્તા તથા ડાયરેક્ટર ઓફ સોશિયલ વેલફેરના કિરણ પાસી એસ.એસ.જી.હોસ્પિટલ ખાતે દોડી આવ્યા હતા અને દુષ્કર્મનો ભોગ બનેલી બાળકીની તબિયત જોઇ તેઓના પરિવારની મુલાકાત કરી હતી સાથે જ ઝારખંડ સરકાર દ્વારા તાત્કાલિક રૂ.ચાર લાખના સહાયની રાશિ તેમજ રૂ.પચાસ હજાર અન્ય મેડિકલ ખર્ચ માટે આપવામાં આવ્યા હતા સાથે સાથે તેમણે હોસ્પિટલ પ્રશાસન તેમજ રાજ્ય સરકાર ને જરુરી જણાય તો બાળકીને એર લિફ્ટ કરી અન્ય રાજ્યમાં સારવાર જોઇતી હશે તો તેના માટે પણ તૈયારી દર્શાવી હતી.સાથે સાથે ઝારખંડ સરકારના મંત્રીએ આરોપી કોઇપણ ધર્મ,જ્ઞાતિનો કેમ ન હોય આરોપી એ આરોપી જ છે અને તેને સખતમા સખત સજા મળવી જોઈએ તેમ જણાવ્યું હતું.ભોગ બનનાર બાળકી તથા તેના પરિજનો સાથે મુલાકાત બાદ ઝારખંડના મંત્રી દિપીકા પાન્ડે સિંગે મિડિયાને જણાવ્યું હતું કે, બાળકીની હાલત ગંભીર છે તેને વધુ સારવાર અર્થે હાયર સેન્ટરમાં લઇ ઇ જવાની જરૂર હશે તેના માટે પણ ઝારખંડ સરકાર તૈયાર છે આરોપી પણ ઝારખંડનો જ છે પરંતુ તે કોઇપણ હોય તેને સખત સજા મળવી જોઇએ.ગુજરાતમા પ્રવાસી મજદૂરોની સુરક્ષા તથા સુવિધા ગુજરાત સરકારે સુનિશ્ચિત કરવી જોઈએ.ગુજરાતમા જો આ પ્રકારે પ્રવાસી મજદૂરો સાથે ઘટના બનતી હોય તો ગુજરાત સરકારે આ બાબતે ગંભીરતા દાખવી ધ્યાન આપવું જોઈએ.ઝારખંડના મજદૂરો અહીં મહેનત મજૂરી કરવા માટે આવે છે જો તેઓ જતાં રહેશે તો અહીં કેટલાય ઉધ્યોગો ઠપ્પ થઈ જશે અમે અહીં મહિલા અને બાળ વિભાગના મંત્રીની એપોઇન્મેન્ટ માગી છે પરંતુ હજી સુધી અમને જવાબ મળ્યો નથી.જરુર પડશે તો અમે ગુજરાતમાં, ઝારખંડ અને દિલ્હી સુધી અવાજ ઉઠાવીશુ તેમ તેમણે જણાવ્યું હતું.આ દરમિયાન વડોદરા શહેર કોંગ્રેસ પ્રમુખ ત્રૃત્વિજ જોશી, વિરોધ પક્ષના નેતા ચંદ્રકાંત શ્રીવાસ્તવ (ભથ્થુભાઇ) સહિતના કોંગ્રેસના પદાધિકારીઓ, એસ.એસ.જી.હોસ્પિટલ પ્રશાસન અધિકારીઓ ઉપસ્થિત રહ્યાં હતાં.
