આજરોજ વહેલી સવારે વાઘોડિયા બ્રિજ ઉપર સુરતથી અમદાવાદ તરફ જતા બે ટ્રક વચ્ચે ગમખ્વાર અકસ્માત સર્જાયો હતો જેમાં મહારાષ્ટ્ર પાસીગની ટ્રકની કેબીનમાં ડ્રાઇવર ફસાઇ ગયો હતો અને ઇજાગ્રસ્ત થયો હતો. બનાવની જાણ થતાં ફાયરબ્રિગેડની ટીમે ઘટનાસ્થળે પહોંચી કટરની તથા અન્ય સાધનોની મદદથી ટ્રકના કેબિનેટમા ફસાયેલા ઇજાગ્રસ્ત ડ્રાઇવર ને ભારે જહેમતે બહાર કાઢી 108 એમ્બ્યુલન્સ મારફતે સારવાર એસ.એસ.જી.હોસ્પિટલ ખાતે ખસેડવામાં આવ્યો હતો.સમગ્ર બનાવને પગલે કપૂરાઇ પોલીસે અકસ્માતનો ગુનો નોંધી આગળની કાર્યવાહી હાથ ધરી છે.
