1 સિરિયસ, 3 ને નાની મોટી ઇજા
શિનોર તાલુકા ના સીમડી ગામના જમાઈ બેસતુ વર્ષ કરવા વાનાદરા ગામેથી પોતાની સાસરી સીમડી ગામે મોટર સાયકલ લઇ પોતાની ધરમ પત્ની, ત્રણ બાળકો સાથે સેગવા ચોકડી થી સીમડી તરફ આવતા હતા ત્યારે મોટા ફોફળિયા ગામમાં રહેતા બે શ્રમિક ઈસમો સેગવા ચોકડી તરફ મોટર સાયકલ લઈને જતા હતા. તે દરમિયાન બંને મોટર સાયકલો સામસામે ધડાકાભેર અથડાતા અકસ્માત સ્થળે 3 મોત થયા હતા. આ ગમખ્વાર અકસ્માતમાં અકસ્માત સ્થળે બે વ્યક્તિ સહિત એક બાળકીનું મોત થયું હતું જ્યારે અન્ય બે મહિલા એક બાળકીને નાની મોટી ઈજા થતા નજીકમાં આવેલા મોટા ફોફળિયા સામૂહિક આરોગ્ય કેન્દ્રમાં ઇમર્જન્સી 108 એમ્બ્યુલન્સ મારફતે ખસેડાયા હતા. જ્યારે અન્ય એક બાળકીને ગંભીર ઇજાઓ થતા વડોદરા એસ.એસ.જી. હોસ્પિટલ ખાતે ખસેડાઈ હતી. બે મોટર સાયકલ નો સામ સામે ધડાકા ભેર અકસ્માત માં બંને મોટર સાયકલ ના ફુરચે ફુરચા ઉડીગયા હતા
અકસ્માત સર્જાતા શિનોર પોલીસ, 108 ઇમરજન્સી એમ્બ્યુલન્સ ને જાણ કરાતા તાત્કાલિક એમ્બ્યુલન્સ, શિનોર પોલીસ બનાવ સ્થળે દોડી આવી હતી…
