સ્વતંત્ર દિનની ઉજવણીના અનુસંધાને ઘર ઘર તિરંગા અભિયાન હેઠળ વડોદરા મહાનગર પાલિકા દ્વારા સોમવારે ગૃહ મંત્રી હર્ષ સંઘવીની ઉપસ્થિતિમાં તિરંગા યાત્રાનું આયોજન કરવામાં આવ્યું છે. સાંજે 4 વાગ્યે નવલખી મેદાનથી યાત્રાનો પ્રારંભ થશે. નવલખી મેદાનથી આ યાત્રા કીર્તિ સ્તંભ, ખંડેરાવ માર્કેટ, ન્યાય મંદિર, સુરસાગર તળાવ થઈને મહાત્મા ગાંધી નાટ્ય ગૃહ ખાતે સમાપ્ત થશે. આ કાર્યક્રમમાં મોટી સંખ્યામાં હાજર રહેવા શહેરીજનોને સ્થાયી સમિતિ અધ્યક્ષ ડૉ. શીતલ મિસ્ત્રીએ અનુરોધ કર્યો છે.
