નવી દિલ્હી: સાઉદી અરેબિયાએ (Saudi Arabia) હજ અથવા ઉમરાહ કરતી મહિલાઓ માટે મહરમની આવશ્યકતા નાબૂદ કરી દીધી છે. હવે કોઈપણ મહિલા મહરમ (પુરુષ સાથી) વગર હજ કે ઉમરાહ (hajj and umrah) કરવા સાઉદી અરેબિયા જઈ શકે છે. અગાઉ હજ કે ઉમરાહ કરવા માટે મહરમ સાથે હોવું જરૂરી હતું. જેના કારણે ઘણી મહિલાઓ વિચારીને પણ હજ કે ઉમરાહ પર જઈ શકી નથી. સાઉદી અરેબિયાના હજ અને ઉમરાહ મંત્રી ડૉ. તૌફિક બિન ફવઝાન અલ-રબિયાએ કહ્યું કે હવે મહિલાઓ કોઈ પણ મહરમ વગર હજ કે ઉમરા કરી શકશે.
મહિલાઓના જીવનને સરળ બનાવવાનો હેતુ સાઉદી સરકારના ભૂતપૂર્વ હજ મંત્રી ઇબ્રાહિમ હુસૈને જણાવ્યું હતું કે મહિલાઓ પહેલાથી જ અનેક અવરોધોનો સામનો કરે છે. તેમને હજ કે ઉમરાહ માટે પુરૂષ સાથી એટલે કે મહરમ (mahram) શોધવામાં મુશ્કેલી પડે છે અથવા તો મળી જાય તો મોંઘવારીનો બોજ વધી જાય છે. મહિલાઓને મેહરમ વગર હજ કે ઉમરાહ કરવા દેવાથી તેમનું જીવન સરળ બને છે.
ભારતીયોને પણ ફાયદો
ભારત સરકાર દ્વારા જાહેર કરવામાં આવેલા આંકડા મુજબ આ વર્ષે લગભગ 80 હજાર ભારતીય મુસ્લિમ હજ કરવા માટે સાઉદી અરેબિયા જશે. જેમાંથી 50 ટકા મહિલાઓ છે. 2019માં સૌથી વધુ બે લાખ ભારતીય મુસ્લિમો હજ માટે મક્કા ગયા હતા.
નવા નિયમ લાગુ કરવાની તૈયારીઓ પૂર્ણ
અહેવાલ મુજબ, મહિલાઓની સુરક્ષાને મજબૂત કરવા માટે, સાઉદી અરેબિયાની સરકારે દેશભરના તમામ પરિવહન અને બંદરો પર સુરક્ષા વધારી દીધી છે. આ ઉપરાંત, સરકારે તેના સંપૂર્ણ અમલીકરણ માટે એક મજબૂત ઈન્ફ્રાસ્ટ્રક્ચર બનાવ્યું છે, જેમાં ઉત્પીડન વિરોધી કાયદો પણ સામેલ છે. ઓન કેમેરા સર્વેલન્સ ઈબ્રાહિમ હુસૈને કહ્યું કે સાઉદી અરેબિયા મહરમ વગર આવતી મહિલાઓની સુરક્ષા માટે સંપૂર્ણ રીતે તૈયાર છે. એરપોર્ટ, બંદરો, શેખ ઝાયેદ ગ્રાન્ડ મસ્જિદ, પ્રોફેટ મસ્જિદ જેવા મહત્વના સ્થળો પર કેમેરાનું સર્વેલન્સ કરવામાં આવશે. જેથી મહિલાઓની સુરક્ષાને વધુ મજબૂત બનાવી શકાય. હજ યાત્રીઓની સંખ્યા મુસ્લિમોનો સૌથી મોટો મેળાવડો માનવામાં આવે છે. કોરોના મહામારી પહેલા દર વર્ષે 20 લાખથી વધુ લોકો હજ કરવા માટે સાઉદી અરેબિયા જતા હતા.
