સુરત : જહાંગીરપુરા ખાતે રહેતી પરિણીતાને તેના પતિના (Husband) પરસ્ત્રી સાથે સંબંધ હોવાની જાણ થઈ હતી. પતિના મોબાઈલમાં (Mobile) મહિલાના ન્યુડ ફોટો જોયા હતા. આ અંગે ભાવનગર મહિલા પોલીસમાં (Police) અરજી થયા બાદ સમાધાન થયું હતું. જોકે બાદમાં પરસ્ત્રીના ભાઈએ પરિણીતાને ફોન કરીને જાનથી મારી દરિયામાં ફેકવાની ધમકી આપતા જહાંગીરપુરા પોલીસ સ્ટેશનમાં ફરિયાદ નોંધવામાં આવી હતી.
જહાંગીરપુરામાં રહેતી 30 વર્ષીય દિવ્યાબેન (નામ બદલ્યું છે) મુળ અમરેલી ખાંભાના વતની છે. તેમણે જહાંગીરપુરા પોલીસ સ્ટેશનમાં શ્યામ સેજપાલની સામે ફરિયાદ નોંધાવી હતી. ફરિયાદમાં જણાવ્યા મુજબ શ્યામ સેજપાલની બહેન કીંજલ સાથે દિવ્યાબેનના પતિનું અફેર હતું. ગયા માર્ચ મહિનામાં તેમના મોબાઈલમાં ન્યુડ ફોટા જોતા બંને વચ્ચે બોલાચાલી થઈ હતી. અને આ અંગે દિવ્યાબેને તેમના પતિ સામે ભાવનગર મહીલા પોલીસ સ્ટેશનમાં ફરિયાદ આપી હતી. જેથી સામાજીક રીતે બંને વચ્ચે સમાધાન થયું હતું.
બાદમાં દિવ્યાબેને આ બાબતે કિંજલના પતિ જિમી પોપટ (રહે, રાજકોટ) ને તેની પત્ની અને પોતાના પતિ વચ્ચે અફેર હોવાનું કહ્યું હતું. જેથી જિમીએ કોઈ પુરાવા માંગતા દિવ્યાબેને તેના પતિના ફોનમાંથી કિંજના ન્યુડ ફોટો મેળવ્યા હતા. અને પછી જિમીને મોકલ્યા હતા. ત્યારબાદ ગત 12 તારીખે દિવ્યાબેનના મોબાઈલ પર એક અજાણ્યા નંબર પરથી ફોન આવ્યો હતો. તેને દિવ્યાબેન સાથે બોલાચાલી કરી ‘હુ શ્યામ સેજપાલ ખાંભાથી બોલતો હોવાનું કહ્યું હતું. મારી બેન કીંજલના સોશિયલ મીડીયામાં ફોટો વાયરલ કરી કેમ હેરાન કરો છો, તેમ કહ્યું હતું. ‘હુ તારા ફોટા પણ એડીટીંગ કરી વાયરલ કરી તેવી ધમકી આપી હતી. સાંજે ફરીથી ફોન આવ્યો હતો અને જાનથી મારી નાખવાની ધમકી આપી દરિયામાં ફેંકી દઈશ તને જીવતી નહી રહેવા દઈશ તેવો મેસેજ કર્યો હતો. જેથી ગભરાયેલા દિવ્યાબેને જહાંગીરપુરા પોલીસ સ્ટેશનમાં ફરિયાદ નોંધાવી હતી.
