સંખેડા : છોટાઉદેપુર જિલ્લાના સંખેડા તાલુકાના મંગલભારતી ગામ પાસે ટેન્કરે રીક્ષાને ટક્કર મારતા દસ મહિનાના બાળકનું મોત થયું હતું. જ્યારે એક જ પરિવારના છ લોકો ઇજાગ્રસ્ત થયા હતા એ પૈકી ત્રણ લોકોની હાલત ગંભીર છે. બાળકના મોતને પગલે ઘટના સ્થળે માતા સહિત પરિવારજનો એ આક્રોશ કર્યું હતું. પોલીસે ઘટના સ્થળે પહોંચીને વધુ તપાસ હાથ ધરી છે. વડોદરા શહેરના ફતેપુરા ભાંડવાડમો રહેતો પરિવાર આજે સવારે રિક્ષામાં બેસીને બોડેલી ખાતે લગ્નમાં જઈ રહ્યા હતા. એ સમયે છોટાઉદેપુર જિલ્લાના સંખેડા તાલુકાના મંગલભારતી ગામ પાસે પરિવારને અકસ્માત નડયો હતો.
ટેન્કર રીક્ષાને ટક્કર મારતા દસ મહિનાના બાળક અબ્દુલ અહમદનું ઘટનાસ્થળે જ મૃત્યુ નીપજયું હતું જ્યારે પરિવારના છ સભ્યો ઇજાગ્રસ્ત થયા હતા દસ મહિનાના બાળકના મૃત્યુને પગલે રોડ પર પરિવારો આક્રોસ કારી રડી રહ્યા હતા. બીજી તરફ અકસ્માત સર્જીને ટેન્કર ચાલક નાસી છૂટયો હતો. ઘટનાને પગલે આસપાસના લોકો દોડી આવ્યા હતા અને તરત જ 108 એમ્બ્યુલન્સ અને પોલીસને જાણ કરી હતી જેથી ઘટનાસ્થળે પહોંચેલી પોલીસે ઇજાગ્રસ્તોને ૧૦૮ એમ્બ્યુલન્સ મારફતે ડભોઇ સારવાર અર્થે ખસેડાયા હતા. જ્યારે બાળક ના મૃતદેહને પોસ્ટમોર્ટમ માટે સંખેડા રેફરલ હોસ્પિટલ ખાતે મોકલી આપ્યો હતો. ટેન્કર અને રિક્ષા વચ્ચે અકસ્માત ને પગલે રસ્તાની બંને બાજુએ ટ્રાફિક જામ સર્જાયો હતો.
