શહેરના ડિંડોલી વિસ્તારમાં આવેલી કેફે શોપમાં ધોરણ-12 માં અભ્યાસ કરતી વિદ્યાર્થીનીએ ક્લાસમેટ મિત્રને મળવા બોલાવી બે યુવકો પાસે માર મરાવતાં મામલો પોલીસ સ્ટેશન પહોંચ્યો હતો. ડિંડોલી પોલીસે આ અંગે ફરિયાદ દાખલ કરી વધારે તપાસ હાથ ધરી છે.
પોલીસ સૂત્રો પાસેથી મળતી માહિતી મુજબ ડિંડોલી સ્થિત લક્ષ્મીનારાયણ સોસાયટીમાં રહેતા શુભમ કિશન જયસ્વાલ અને તેની મિત્ર પ્રાચી (નામ બદલ્યું છે) (રહે, માર્ક પોંઈન્ટ ડિંડોલી) ધોરણ 12 માં અભ્યાસ કરે છે. બંને એક જ ક્લાસમાં હોવાથી એક બીજાથી પરિચિત છે. દરમિયાન ગઈકાલે પ્રાચીએ શુભમને રાત્રે 3 વાગ્યાથી મેસેજીસ શરૂ કર્યા હતા.
ગઈકાલે પ્રાચીએ મેસેજ કરી તેનેબપોરે સાડા ત્રણથી ચાર વાગ્યાના અરસામાંવિધ્નેશ્વર પ્લાઝામાં જેરી કેફે શોપમાં મળવા બોલાવ્યો હતો. તે ત્યાં પહોંચતા પ્રાચીની સાથે ઉભેલા કપિલ (રહે-૧૬૩,મહાદેવનગર-૦૧, ડિડોલી) તથા મિતેશ ગોસ્વામી (રહે-માર્ક પોઇન્ટ ની આસપાસ)એ શુભમની સાથે ગાળાગાળી કરી હતી.
ઉગ્ર બોલાચાલી બાદ કપિલે પાવડાના હાથાથી શુભમ જયસ્વાલને ફટકા માર્યા હતા. મિતેશે પણ શુભમના કપાળમાં પથ્થરથી ઇજા પહોંચાડી હતી. શુભમને લોહીલુહાણ હાલતમાં માર મારી પ્રાચી અને બંને યુવકો ત્યાંથી ભાગી ગયા હતા. શુભમે આ અંગે ડિંડોલી પોલીસમાં ફરિયાદ દાખલ કરાવતા પોલીસે ઘટનાની વધારે તપાસ હાથ ધરી છે.
તપાસ કરતા અધિકારી પો.સ.ઇન્સ. ના જણાવ્યા મુજબ છોકરી યુવકના એક તરફી પ્રેમમાં હોય તેવી સંભાવના છે. યુવકને કેમ બોલ્વાયો અને કેમ માર મરાવ્યો તે અંગે હજી જાણી શકાયું નથી. પરંતુ એક વાત અત્યારસુધીની તપાસમાં સ્પષ્ટ લાગે છે કે છોકરી યુવકની પાછળ પડી હોય તેવું જણાઈ રહ્યું છે
