નવી દિલ્હી: વર્લ્ડ કપની (World cup 2023) 38મી મેચમાં શ્રીલંકા (Sri Lanka) અને બાંગ્લાદેશની (Bangladesh) ટીમ મેદનમાં ઉતરી છે.બંને ટીમો વચ્ચેની આ મેચ નવી દિલ્હીના (New Delhi) અરુણ જેટલી સ્ટેડિયમમાં રમાઈ રહી છે. બાંગ્લાદેશના કેપ્ટન શાકિબ અલ હસને ટોસ જીતીને બોલિંગ કરવાનો નિર્ણય કર્યો હતો. શ્રીલંકાની ટીમ 49.3 ઓવરમાં 279 રનમાં સમેટાઈ ગઈ હતી. બાંગ્લાદેશને 280 રનનો ટાર્ગેટ મળ્યો છે.
શ્રીલંકાએ બાંગ્લાદેશને 280 રનનો પડકારજનક ટાર્ગેટ આપ્યો હતો. શ્રીલંકાની ટીમ ટોસ હાર્યા બાદ પ્રથમ બેટિંગ કરવા આવી હતી. તેણે 49.3 ઓવરમાં 279 રન બનાવ્યા હતા. ચારિથ અસલંકાએ સૌથી વધુ 108 રન બનાવ્યા હતા. પથુમ નિસાન્કા અને સાદિર સમરવિક્રમાએ 41-41 રનનું યોગદાન આપ્યું હતું. ધનંજય ડી સિલ્વાએ 34, મહિષ તિક્ષીનાએ 22 અને કુસલ મેન્ડિસે 19 રન બનાવ્યા હતા. બાંગ્લાદેશ તરફથી તન્ઝીમે સૌથી વધુ ત્રણ વિકેટ લીધી હતી.
શ્રીલંકા અને બાંગ્લાદેશ વચ્ચેની મેચમાં મોટો વિવાદ જોવા મળ્યો હતો. શ્રીલંકાના અનુભવી બેટ્સમેન એન્જેલો મેથ્યુસને ટાઈમ આઉટ કહેવામાં આવ્યો હતો. સમરવિક્રમા આઉટ થયા પછી, તેણે નિર્ધારિત સમયની અંદર બોલનો સામનો કર્યો ન હતો. નિયમો અનુસાર, મેથ્યુઝે બે મિનિટની અંદર ક્રિઝ પર પહોંચવાનું હતું અને ત્રણ મિનિટની અંદર બોલનો સામનો કરવા માટે તૈયાર રહેવું હતું. તે આમ કરવામાં નિષ્ફળ ગયો. મેથ્યુઝને ટાઈમ આઉટ કહેવામાં આવ્યો હતો.
શ્રીલંકાની પ્લેઇંગ 11 ટીમ: પથુમ નિસાંકા, કુસલ પરેરા, કુસલ મેન્ડિસ (વિકેટ/કેપ્ટન), સાદિરા સમરવિક્રમા, ચરિથ અસલંકા, એન્જેલો મેથ્યુસ, ધનંજય ડી સિલ્વા, મહિષ તિક્ષાના, દુષ્મંથા ચમીરા, કસુન રાજીથા, દિલશાન મદુશંકા.
બાંગ્લાદેશની પ્લેઇંગ 11 ટીમ: તન્ઝીદ હસન, લિટન દાસ, નઝમુલ હુસૈન શાંતો, મુશ્ફિકુર રહીમ (વ.), મહમુદુલ્લાહ, શાકિબ અલ હસન (સી), તૌહીદ હૃદયોય, મેહદી હસન મિરાજ, તન્ઝીમ હસન શાકિબ, તસ્કીન અહેમદ, શોરીફુલ ઈસ્લામ.
