વિશ્વ: વિશ્વ અનેક ખગોળીય અને વૈજ્ઞાનિક ઘટનાઓથી ભરેલું છે. એવામાં આ દેશમાં આકાશ એકાએક લાલ લોહિયાળ રંગનું થતાં લોકો ડરી ગયા હતા. એટલું જ નહિ કેટલાક લોકો તેને વિનાશનું પ્રતીક કહે છે તો કોઇ ખગોળીય ઘટના. ખરેખર ઓરોરા બોરેલિસ (Aurora borealis), જેને સામાન્ય રીતે ઉત્તરીય લાઇટ (Northern Light) તરીકે ઓળખવામાં આવે છે.
રવિવારની સાંજે બલ્ગેરિયાના વિશાળ વિસ્તરણમાં આકાશને આકર્ષિત કરી હતી. જેના કારણે આકાશ (Sky) સંપૂર્ણ રીતે લાલ (Red) રંગમાં રંગાઇ ગયું હતું. તેની આકર્ષક તસવીરો અને વીડિયો સોશિયલ મીડિયા (Social Media) પર ઝડપથી વાયરલ થઈ રહી છે. આ કુદરતી ઘટના ભારતમાં પણ આ વર્ષની શરૂઆતમાં બની હતી, જ્યારે લદ્દાખનું આકાશ ઝળહળી ઉઠ્યું હતું.
સોશિયલ મીડિયા પ્લેટફોર્મ પર કેટલાક લોકોએ બલ્ગેરિયાના લોહીથી લાલ આકાશની તસવીરોને “સર્વનાશ” અને “ભયજનક ઘટના” તરીકે વર્ણવી હતી. અન્ય લોકોએ આ મંત્રમુગ્ધ કરી દેનારી ઘટનાનો અનુભવ કરીને તેમનો ઉત્સાહ વ્યક્ત કર્યો હતો. અહેવાલો અનુસાર ઉત્તરીય લાઇટ રોમાનિયા, હંગેરી, ચેક રિપબ્લિક અને યુક્રેનમાં પણ જોવા મળી હતી. પોલેન્ડ અને સ્લોવાકિયાના ફોટા પણ છે. શનિવારની રાત્રે યુનાઇટેડ કિંગડમમાં તેજસ્વી લીલો અને લાલ ઓરોરા પણ જોવા મળ્યો હતો.
ઓરોરા બોરેલિસ શું છે?
ઓરોરા બોરેલિસની ઘટનાએ હજારો વર્ષોથી માનવીઓને આશ્ચર્યચકિત કર્યા છે. ઓરોરા બોરેલિસ એ પ્રકાશના તરંગો છે જે સૂર્યમાંથી આવતા ઊર્જા કણો દ્વારા બનાવવામાં આવે છે. વાસ્તવમાં આ ઊર્જા કણો 45 મિલિયન માઇલ પ્રતિ કલાકની ઝડપે પૃથ્વી તરફ આવે છે પરંતુ પૃથ્વીના ચુંબકીય ક્ષેત્રને કારણે તે પૃથ્વી સુધી પહોંચી શકતા નથી અને ચુંબકીય ક્ષેત્રની અસરને કારણે, સૂર્યમાંથી આવતા આ ઊર્જા કણો ઉત્તર અને દક્ષિણ ધ્રુવ તરફ ખસી જાય છે. આ સમગ્ર પ્રક્રિયામાં એક અવકાશી ઘટના બને છે જેના કારણે આકાશ વિવિધ રંગોમાં ચમકે છે. આ કુદરતી ઘટનામાં, આકાશનો રંગ ખાસ ગેસ કણો પર આધાર રાખે છે, જેમ કે જો ઉર્જા કણો અને ચુંબકીય ક્ષેત્રની અથડામણને કારણે ઓક્સિજનના કણો બહાર આવે છે, તો આકાશનો રંગ આછો લીલો દેખાય છે. જો નાઈટ્રોજન છોડવામાં આવે તો આકાશનો રંગ બલ્ગેરિયામાં જોવા મળતો લાલ દેખાય છે.
