વડોદરા ખાતે હોટલમાં નોકરી કરતો હતો ત્યારે સગીરા સાથે પ્રેમ સંબંધ બંધાયો હતો
સગીરા વાઘોડિયા ખાતે ભાડાના મકાનમાં યુવક સાથે રહેતી હતી
આજવા રોડ પર રહેતી સગીરા સાથે પ્રેમ સંબંધ બાંધ્યાં બાદ યુપીનો યુવક તેનું અપહરણ કરીને ભગાડી ગયો હતો. ત્યારબાદ તેને વાઘોડિયા ખાતે રાખેલા ભાડાના મકાનમાં લઇ ગયો હતો. ત્યારબાદ તેની સાથે વારંવાર દુષ્કર્મ ગુજાર્યું હતું. સગારાની માતાના ફરિયાદના આધારે પોલીસે દુષ્કર્મ ગુજારનાર યુવકની ધરપકડ કરી આગળની કાર્યવાહી હાથ ધરી છે.
મૂળ ઉત્તર પ્રદેશના અને હાલમાં વાઘોડિયા ગામ જવાના રોડ પર રૂમ ભાડે રાખી રહેતો 21 વર્ષીય રોહિત મોનોજકુમાર સિંઘ નામનો યુવક વડોદરા ખાતે એક હોટલમાં નોકરી કરતો હતો. તે દરમાયન તેનો સંપર્ક શહેરના આજવા રોડ પર રહેતી 16 વર્ષીય સગીરા સાથે થયો હતો. દરમિયાન યુવકને સગારી સાથે આંખો મળી જતા પ્રેમ પાંગર્યો હતો. જેથી યુવક સગીરાનું અપહરણ કરીને વાઘોડિયા ખાતે ભાડાના મકાનમાં લઇ ગયો હતો. ત્યાં સગીરાને સાથે રહેવા મુજબૂર કર્યા બાદ તેની સાથે વારંવાર બળાત્કાર ગુજાર્યો હતો. સગીરાની માતાએ બાપોદ પોલીસ સ્ટેશનમાં યુવક વિરુદ્ધ અપહરણ કર્યા બાદ દુષ્કર્મ ગુજાર્યું હોવાની ફરિયાદ નોંધાવી હતી. જેથી પોલીસે માતાની ફરિયાદના આધારે યુવક વાઘોડિયા રોડ ખાતે રહેતો ત્યાં પહોંચી તેને ઝડપી પાડ્યો હતો. જ્યારે સગીરાને તેના ચુંગાલમાંથી છોડાવીને તેના પરિવાર સોંપવામાં આવી હતી. પોલીસે સગીરા તથા યુવકનું મેડિકલ કરાવી આગળની કાર્યવાહી હાથ ધરી છે.
