સુરત: ઓલપાડ (Olpad) ગોઠાણ રોડ ઉપર ટ્રકની (Truck) અડફેટે ચઢેલા 7 વર્ષના માસુમ નું ટૂંકી સારવાર બાદ ખાનગી હોસ્પિટલમાં (Hospital) મોત (Death) નિપજતા પરિવાર શોકમાં ગરકાવ થઈ ગયો છે. પોલીસે જણાવ્યું હતું કે ઘટના રવિવારની બપોરની હતી. માસુમ દીકરો નાસ્તો લેવા રોડ ક્રોસ કરવા જતાં ટ્રકની અડફેટે ચઢ્યો હતો.
પીડિત પિતાએ જણાવ્યું હતું કે 15-20 દિવસ પહેલા જ અહીંયા રહેવા આવ્યા હતા. પશુપાલનના વ્યવસાય સાથે સંકળાયેલા છે. બે સંતાનોમાં 7 વર્ષનો રાહુલ સુખભાઈ ભરવાડ નાનો દીકરો હતો. આજે ખાનગી હોસ્પિટલમાં અંતિમ શ્વાસ લીધા હતા. પરિવાર શોકમાં ગરકાવ થઈ ગયો છે. બપોરે પૈસા લઈ સોસાયટી સામે આવેલી દુકાનમાં નાસ્તો લેવા માટે જવા નીકળેલો રાહુલ રોડ ક્રોસ કરવા જતાં કાળનો કોળિયો બન્યો હતો.
પોલીસે જણાવ્યું હતું કે ઘટનાની જાણ થતા જ સ્થળ મુલાકાત કરી ટ્રક ડ્રાઇવર સામે તપાસ શરૂ કરાઇ હતી. માસુમ રાહુલને ખાનગી હોસ્પિટલમાં દાખલ કરાયો હતો. જ્યાં પરિવારના નિવેદન લેવાયા હતા. આજે સવારે માસુમ રાહુલના મોતની ખબર પડતાં પોલીસે હોસ્પિટલ પહોંચી ગઈ હતી. તમામ જરૂરી પેપર તૈયાર કરી પોસ્ટ મોર્ટમ માટે સિવિલ લઈ આવી હતી. હાલ પોસ્ટ મોર્ટમ બાદ જ માસુમ રાહુલના મોતનું ચોક્કસ કારણ કહી શકાશે, પરિવાર અમદાવાદ ધોલેરાનો વતની હોવાનું જાણવા મળ્યું છે.
14 વર્ષના બાળકે બેફામ બાઈક હંકારી ટક્કર મારતા યુવકનું મોત
નેત્રંગ- હાલમાં સગીર બાળકો વાહનોને હાથમાં લઈ અકસ્માતો (Accident) સર્જતા હોય તેવા અનેક કિસ્સાઓ સામે આવ્યા છે. ત્યારે નેત્રંગ (Netrang) પોલીસ દ્વારા આવા કેસમાં મહત્વપૂર્ણ કામગીરી કરવામાં આવી છે. નેત્રંગના રાજપારડી રોડ પર અઢી મહિના પહેલા એક સગીર વયના મોટરસાયકલ (Two Wheeler) ચાલકે સામેથી આવી રહેલા મોટરસાયકલ ચાલકને અડફેટે લેતાં તેનું સારવાર દરમિયાન મોત થતાં ગુનાની તપાસ દરમિયાન મોટરસાયકલ ચાલક સગીર હોવાનું સામે આવ્યું હતું. જે સંદર્ભે નેત્રંગ પોલીસે તેના પિતા વિરુદ્ધ ગુનો નોંધતા નેત્રંગ પંથકમાં ચકચાર મચી જવા પામી છે.
