નવી દિલ્હી: દેશના જાણીતા ઓનલાઈન ટ્યુશન ક્લાસીસ ‘ફિઝિક્સવાલા’ના (Physicswallah) એક ટીયરને ઓનલાઈન ટ્યુશન દરમિયાન એક સ્ટુડન્ટે ચપ્પ મારી હોવાનો વીડિયો સોશિયલ મીડિયામાં વાયરલ થયો છે.
ફિઝિક્સવાલા ક્લાસીસ ફરી એકવાર ચર્ચામાં છે. આ વખતે કારણ છે ભૌતિકશાસ્ત્રના શિક્ષકની મારપીટનો વીડિયો જે સોશિયલ મીડિયા પર વાયરલ થઈ રહ્યો છે, જેમાં એક વિદ્યાર્થી તેના જ વર્ગના શિક્ષકને મારી રહ્યો છે. આ વીડિયો લાઈવ સ્ટ્રીમિંગ પર હોવાથી ઘણા વિદ્યાર્થીઓએ તેને રેકોર્ડ કર્યો હતો. જે વીડિયો વાયરલ થઈ રહ્યો છે તે લાઈવ સ્ટ્રીમ દ્વારા અભ્યાસ કરતા વિદ્યાર્થીએ રેકોર્ડ કર્યો હોવાનું કહેવાય છે.
વાયરલ વીડિયોમાં જોવા મળે છે કે શિક્ષક ક્લાસમાં ખૂબ જ શાંતિથી ભણાવી રહ્યા છે. અચાનક એક વિદ્યાર્થી તેમની પર હુમલો કરે છે. થોડી જ વારમાં તે શિક્ષકને ચપ્પલ અને થપ્પડ વડે નિર્દયતાથી મારે છે. આ લડાઈ પાછળનું કારણ હજુ સ્પષ્ટ થયું નથી.
ઘર કે કલેશ પેજ પરથી વીડિયો શેર કરાયો
આ વીડિયો સોશિયલ મીડિયા પ્લેટફોર્મ X (Twitter) પર ‘ઘર કે કલેશ’ નામના પેજ દ્વારા શેર કરવામાં આવ્યો છે. તે વીડિયો અપલોડ કરવામાં આવ્યો ત્યારથી તેને 723K કરતાં વધુ વખત જોવામાં આવ્યું છે. આમાં બંને એકબીજાને મારતા જોવા મળે છે. ઘણા લોકો આ વીડિયો પર કોમેન્ટ કરી રહ્યા છે અને પૂછી રહ્યા છે કે શું થયું?
અગાઉ પણ ફિઝિક્સવાલામાં વિવાદો થઈ ચૂક્યા છે
આ અગાઉ પણ ફિઝિક્સવાલા અનેક વિવાદોને લીધે ચર્ચામાં રહ્યું છે. અગાઉ ફિઝિક્સ વાલાના જાણીતા શિક્ષકો તરુણ કુમાર, મનીષ દુબે અને સર્વેશ દીક્ષિતે કંપનીના સ્થાપક અલખ પાંડે સાથે મતભેદોનો દાવો કરીને પ્લેટફોર્મ છોડી દીધું હતું. તેમના વીડિયોમાં કુમાર, દુબે અને દીક્ષિતે દાવો કર્યો હતો કે ભૌતિકશાસ્ત્રના શિક્ષક પંકજ સિજારિયાએ તેમની સામે લાંચ લેવાના વાહિયાત આરોપો લગાવ્યા હતા. ફિઝિક્સનું વાતાવરણ હવે વિદ્યાર્થીઓ માટે અનુકુળ નથી એવું પણ કહેવાયું હતું.
