જો કે મને એક બાબત નથી સમજાતી કે આજકાલ રાજકીય વિશ્લેષકો અને એકઝીટ પોલવાળા જેટલા સક્રિય છે એનાથી ચોથા ભાગના પણ જયોતિષીઓ ચૂંટણીના મેદાનમાં સક્રિય નથી. આમ કેમ? મેં આ અંગે મારા એક મિત્ર જે જ્યોતિષી છે ,એને જ આ સવાલ કર્યો ( જે રાજકીય બાબતોથી દૂર રહે છે) તેણે કહ્યું કે સંસદસભ્યો અને પ્રધાનો જ નહિ, પણ જ્યોતિષીઓ પણ મોદી સરથી ડરે છે. એટલે આગાહી કરવાનું ટાળે છે.મને આ જવાબમાં ગંભીરતા નહિ, પણ રમૂજનાં દર્શન થયાં.જો કે પક્ષ માટે મોદી સરે જ કેટલીક ગાઈડલાઈન નકકી કરી છે.જેને લોકોએ સ્વીકૃત પણ કરી છે.અલબત્ત, આનું સો ટકા પાલન નથી થઇ શકયું એ એક જુદી બાબત છે.
જેમ કે ટીકીટ વહેંચણીમાં સગાંવાદને ટાળવો, એકના એક ઉમેદવારને રીપીટ ના કરવો અને ઉંમરના પંચોતેરમા વર્ષે નિવૃત્તિની દિશા બતાવવી વગેરે.જેમકે ભૂતપૂર્વ મુખ્યમંત્રી શ્રીમતી આનંદીબહેન પટેલનું ઉંમરના આ પડાવ પર રાજીનામું. જો કે અચાનક રાજીનામા પાછળ પાટીદાર અનામત આંદોલન પણ એમાં કારણભૂત હતું.એમ ઘણા માને છે.પણ એ વાત કોરાણે મૂકી વિચારીએ તો ચૂંટણીનાં બે વર્ષ બાદ વડા પ્રધાન પણ પંચોતેરના પડાવ પર આવશે. જો કોઈ મોટી નવાજૂની ન થાય તો બીજેપી જ બહુમતિ પ્રાપ્ત કરશે.તો બે વર્ષ બાદ મોદી સર પછી વડા પ્રધાનનો ચહેરો બદલાશે ખરો?
સુરત – પ્રભાકર ધોળકિયા– આ લેખમાં પ્રગટ થયેલા વિચારો લેખકના પોતાના છે.
