નવી દિલ્હી: અદાણી (Adani) જૂથને રાહત આપતાં સમાચાર મોરેશિયસથી (Mauritius) આવ્યા છે, મોરિશયસના ફાઇનાન્સિયલ મિનીસ્ટર મહેન કુમાર સીરુત્તુને તેમના મોરેશિયસ રાષ્ટ્રની સંસદને જણાવ્યું હતું કે અમારા દેશમાં અદાણી જુથની ‘શેલ’ કંપનીઓની હાજરીના હિન્ડેનબર્ગ રિસર્ચના આક્ષેપો ‘છે. ખોટા અને પાયાવિહોણા’ અને તે કે મોરેશિયસ OECD દ્વારા ફરજિયાત કર નિયમોનું પાલન કરતું હતું. યુએસ શોર્ટ સેલર હિંડનબર્ગે 24 જાન્યુઆરીએ આરોપ મૂક્યો હતો કે અબજોપતિ ગૌતમ અદાણીએ તેમની ભારતીય-લિસ્ટેડ કંપનીઓના શેરના ભાવમાં ફેરફાર કરવા માટે મોરેશિયસ સ્થિત શેલ કંપનીઓનો ઉપયોગ કર્યો હતો.
શેલ કંપની એક નિષ્ક્રિય પેઢી છે જેનો ઉપયોગ વિવિધ નાણાકીય હેરફેર માટે વાહન તરીકે થાય છે. હિંડનબર્ગ દ્વારા અદાણી જૂથ માટે મની લોન્ડરિંગ અને શેરના ભાવની હેરાફેરી માટે હિન્ડેનબર્ગના આરોપો અંગે સંસદસભ્ય (એમપી) એ લેખિત નોટિસ દ્વારા પ્રશ્ન પૂછ્યો કે જેના જવાબમાં મંત્રીએ કહ્યું કે દેશનો કાયદો આ પ્રકારની કામગીરીની મંજૂરી આપતો નથી. મોરેશિયસમાં શેલ કંપનીઓની હાજરીના આરોપો ખોટા અને પાયાવિહોણા છે,”તેમણે કહ્યું. “કાયદા મુજબ, મોરેશિયસમાં શેલ કંપનીઓને મંજૂરી નથી.”
ફાઇનાન્શિયલ સર્વિસ કમિશન દ્વારા લાયસન્સ પ્રાપ્ત તમામ વૈશ્વિક વ્યાપારી કંપનીઓએ સતત જરૂરી આવશ્યકતાઓને પૂર્ણ કરવી પડતી હોય છે અને કમિશન દ્વારા તેનું કડક નિરીક્ષણ કરવામાં આવે છે, “અત્યાર સુધી, ત્યાં કોઈ ભંગ જોવા મળ્યો નથી”એમ તેમણે જણાવ્યું હતું. તેમણે કહ્યું કે ફાઇનાન્શિયલ સર્વિસ કમિશને હિન્ડેનબર્ગ રિપોર્ટની નોંધ લીધી છે પરંતુ નિયમનકાર કાયદાની ગોપનીયતા કલમથી બંધાયેલા છે અને વિગતો જાહેર કરી શકતા નથી. “ફાઇનાન્સિયલ સર્વિસીસ કમિશન ન તો નકારી શકે છે કે ન તો પુષ્ટિ કરી શકે છે કે શું તપાસ કરવામાં આવી છે અથવા તપાસ હાથ ધરવામાં આવી રહી છે. જેમ કે, વૈશ્વિક વ્યાપારી કંપનીઓ વિશેની માહિતી જાહેર કરવી એ નાણાકીય સેવા અધિનિયમની કલમ 83નું ઉલ્લંઘન હશે અને અમારા અધિકારક્ષેત્રની પ્રતિષ્ઠા પર તેની પ્રતિકૂળ અસર થઈ શકે છે. “
મોરિશિયન મંત્રીએ કહ્યું કે, “મોરેશિયસ ટેક્સ હેવન હોવાના આરોપના સંદર્ભમાં, હું ગૃહને જણાવવા માંગુ છું કે મોરેશિયસ આંતરરાષ્ટ્રીય બેસ્ટ પ્રેકટિસીસનું સખતપણે પાલન કરે છે અને તેને આર્થિક સહકાર અને ડેવલપમેન્ટ OECD સ્ટાન્ડર્ડ સાથે સુસંગત કરવામાં આવ્યું છે,”.
