રાજ્યની રાજધાની ભોપાલમાં આવેલા ઇન્ટર-સ્ટેટ બસ ટર્મિનલ (ISBT) ખાતે રવિવારે રાત્રે અચાનક ભીષણ આગ ફાટી નીકળી હતી. આ આગમાં ‘વર્મા ટ્રાવેલ્સ’ની ચાર બસો સહિત નજીકમાં પાર્ક કરેલી અન્ય કેટલીક બસો પણ સપડાઈ ગઈ હતી. કુલ મળીને અડધો ડઝન બસોને નુકસાન થયું છે. આગને કાબૂમાં લેવા માટે ફાયર બ્રિગેડની ગાડીઓ ઘટનાસ્થળે પહોંચી હતી. પ્રાથમિક અનુમાન મુજબ કોઈ એક બસની એર-કંડિશનિંગ (AC) સિસ્ટમમાં શોર્ટ સર્કિટ થવાને કારણે આગ લાગી હોવાની શક્યતા છે, જોકે સત્તાવાર રીતે આની પુષ્ટિ થઈ નથી. આ ઘટનાને પગલે ISBT પરિસરમાં ભારે અફરાતફફરી મચી ગઈ હતી.
ભોપાલના ઇન્ટર-સ્ટેટ બસ ટર્મિનલ (ISBT) ખાતે રવિવારે રાત્રે લાગેલી આગને કારણે ગભરાટ ફેલાઈ ગયો હતો. અહેવાલો અનુસાર ૩ થી ૪ બસોમાં આગ લાગી હતી, જેના કારણે બસ સ્ટેન્ડ પરિસરમાં અંધાધૂંધી સર્જાઈ હતી. અસરગ્રસ્ત વાહનો ‘વર્મા ટ્રાવેલ્સ’ના હોવાનું જાણવા મળ્યું છે. બસોમાંથી ઊંચી જ્વાળાઓ અને ધુમાડાના ગોટેગોટા નીકળતા જોઈ મુસાફરો અને સ્થાનિક રહીશોમાં ભયનો માહોલ સર્જાયો હતો.
પ્રાથમિક માહિતી મુજબ આગ ઝડપથી ફેલાઈ ગઈ અને નજીકમાં ઊભેલી અન્ય બસોને પણ પોતાની લપેટમાં લઈ લીધી. ઘટનાની જાણ થતાં જ ફાયર વિભાગના વાહનો, સ્થાનિક વહીવટીતંત્ર અને પોલીસ કાફલો ઘટનાસ્થળે પહોંચી ગયો હતો. હાલમાં આગને કાબૂમાં લેવાના પ્રયાસો ચાલુ છે. બસના માલિક દીપક વર્મા પણ ઘટનાસ્થળે પહોંચી ગયા છે. આગ લાગવાનું ચોક્કસ કારણ હજુ સુધી જાણી શકાયું નથી.
