જો બધું વિચાર્યા પ્રમાણે થશે તો ભારતીય રોકેટ આજે શ્રીહરિકોટા સ્પેસપોર્ટથી પ્રથમ વખત બ્રાઝિલિયન સેટેલાઇટનું લોકાર્પણ કરશે. આ ઇન્ડિયન સ્પેસ રિસર્ચ ઓર્ગેનાઇઝેશન (ઇસરો)નું 2021નું પ્રથમ પ્રક્ષેપણ છે.
હવામાનની સ્થિતિને ધ્યાનમાં રાખતા પ્રક્ષેપણ આજે શ્રીહરિકોટાના સતીષ ધવન સ્પેસ સેન્ટર (એસડીએસસી)થી 10.24 કલાકે લોન્ચ થશે. ઇસરોએ પીએસએલવી-સી 51 / એમેઝોનીયા-1 મિશન માટેનું કાઉન્ટડાઉન શનિવારે 08.54 કલાકે શરૂ થયું હતું.
પીએસએલવી-સી51 રોકેટ જે પીએસએલવી (પોલર સેટેલાઇટ લોંચ વ્હીકલ)નું 53મુ મિશન છે. શ્રીહરિકોટા સ્પેસપોર્ટના પ્રથમ લોંચ પેડથી બ્રાઝિલના એમેઝોનીયા-1ને પ્રાથમિક ઉપગ્રહ અને 18 અન્ય ઉપગ્રહો લોન્ચ થશે.
અન્ય ઉપગ્રહોમાં ચેન્નાઈ સ્થિત સ્પેસ કિડઝ ઇન્ડિયા (એસકેઆઈ)નો સતીષ ધવન સેટ (એસડી એસએટી)નો સમાવેશ થાય છે. આ અવકાશયાનની ટોચની પેનલ પર વડા પ્રધાન નરેન્દ્ર મોદીનો ફોટો જોવા મળશે.
જે મોદીના આત્મનિર્ભર પહેલ અને અવકાશ ખાનગીકરણ માટે એકતા અને કૃતજ્ઞતા બતાવે છે. એસ.કે.આઇએ કહ્યું કે, તેઓ એસ.ડી. (સુરક્ષિત ડિજિટલ) કાર્ડમાં ‘ભાગવત ગીતા’ પણ મોકલી રહ્યા છે.
પીએસએલવી-સી51 / એમેઝોનીયા -1એ એનએસઆઈએલનું પ્રથમ કોમર્શિયલ મિશન છે. એનએસઆઈએલના અધ્યક્ષ અને મેનેજિંગ ડિરેક્ટર જી નારાયણને જણાવ્યું હતું કે, અમે આતુરતાથી પ્રક્ષેપણની રાહ જોઇ રહ્યા છીએ. બ્રાઝિલિયન બિલ્ટ પ્રથમ સેટેલાઇટને લોંચ કરવામાં અમને ખૂબ ગર્વ છે.
