ઇઝરાયેલ (Israel) ગાઝા (Gaza) પર મોટો હુમલો કરવાની તૈયારી કરી રહ્યું છે. ઈઝરાયેલે ગાઝાના રહેવાસીઓને ત્રણ કલાકમાં ઉત્તર ગાઝાથી દક્ષિણ ગાઝા તરફ જવાની ચેતવણી આપી છે. ઉલ્લેખનીય છે કે ઈઝરાયેલ લાંબા સમયથી ગાઝામાં પાયદળ મોકલવાની યોજના બનાવી રહ્યું છે. તેને ધ્યાનમાં રાખીને ગાઝાના લોકોને ઉત્તર ગાઝા ખાલી કરી દેવા ચેતવણી (Warning) આપવામાં આવી છે. ઈઝરાયેલે ગાઝા પર હવા, જમીન અને સમુદ્રથી હુમલો કરવાની યોજના તૈયાર કરી છે.
ઇઝરાયેલ અને હમાસ વચ્ચે યુદ્ધ શરૂ થયાને હવે નવ દિવસ થઈ ગયા છે. હમાસના હુમલા અને ગાઝા પટ્ટી પર ઇઝરાયેલના અનુગામી વળતા હુમલાથી આ માનવીય સંકટમાં 3,600 થી વધુ લોકોના જીવ ગયા છે. ઈઝરાયેલમાં અત્યાર સુધીમાં 1300 થી વધુ લોકોના મોતની પુષ્ટિ થઈ છે જ્યારે ગાઝા પટ્ટીમાં 2300 થી વધુ લોકોના મોત થયા છે. આ દરમિયાન ઈઝરાયેલે ગાઝા પર હવા, જમીન અને સમુદ્રથી હુમલો કરવાની યોજના તૈયાર કરી છે. યુનાઈટેડ નેશન્સે ઈઝરાયેલના બોમ્બમારા પર ચિંતા વ્યક્ત કરતા કહ્યું છે કે ગાઝા પટ્ટીને વધુ પાતાળમાં ધકેલવામાં આવી રહી છે.
IOCનું તાકીદનું સત્ર જેદ્દાહમાં યોજાશે
દરમિયાન ગાઝા અને તેની આસપાસ વધી રહેલા તણાવને દૂર કરવા માટે સાઉદી અરેબિયાના આમંત્રણ પર 18 ઓક્ટોબરે ઓર્ગેનાઈઝેશન ઓફ ઈસ્લામિક કોઓપરેશન (OIC)ની કાર્યકારી સમિતિની બેઠક બોલાવવામાં આવી છે. ઈઝરાયેલની સેના ગાઝામાં પ્રવેશવાની તૈયારી કરી રહી છે. અગાઉ તેમણે 11 લાખ લોકોને તેમના ઘર છોડવા માટે કહ્યું હતું. આ પહેલા પણ ઈઝરાયેલે ગાઝા પર બોમ્બમારો કર્યો હતો જેમાં 2215 પેલેસ્ટિનિયન નાગરિકો માર્યા ગયા હતા.
OIC સચિવાલય દ્વારા એક નિવેદન બહાર પાડવામાં આવ્યું હતું. જેમાં કહેવામાં આવ્યું હતું કે તાકીદનું સત્ર જેદ્દાહમાં યોજાશે. સંગઠનની કાર્યકારી સમિતિ તાકીદે ગાઝા અને તેના વાતાવરણમાં વધતી જતી સૈન્ય પરિસ્થિતિ તેમજ નાગરિકોના જીવનને જોખમમાં મૂકતી પરિસ્થિતિઓને સંબોધવા માટે તાકીદે એક ઓપન-એન્ડેડ અસાધારણ બેઠક બોલાવી રહી છે. બીજી તરફ પાકિસ્તાનના કેરટેકર ફોરેન મિનિસ્ટરે યુએઈના વિદેશ મંત્રી શેખ અબ્દુલ્લા બિન ઝાયેદ સાથે ઈઝરાયેલ મુદ્દે ચર્ચા કરી હતી.
ચીને ઈઝરાયેલની કાર્યવાહી પર સવાલ ઉઠાવ્યા
ઇઝરાયેલ પર હમાસના અચાનક હુમલા બાદ સ્થિતિ વણસી રહી છે. બંને વચ્ચે છેલ્લા એક અઠવાડિયાથી વધુ સમયથી સંઘર્ષ ચાલી રહ્યો છે. અત્યાર સુધીમાં 3,300 થી વધુ લોકોના મોત થયા છે. હવે આ બાબતે ચીને ઈઝરાયેલની કાર્યવાહી પર સવાલ ઉઠાવ્યા છે. તેણે આરોપ લગાવ્યો છે કે ઈઝરાયેલની કાર્યવાહી સ્વરક્ષણના દાયરાની બહાર થઈ ગઈ છે.
