નવી દિલ્હી: ભારતીય મહિલા ક્રિકેટ ટીમે (Indian women’s cricket team) ઓવર સિરીઝ (Over series) ઇંગ્લેન્ડ (England) સામે તેમના જ ઘરે રમવાની છે. આ માટે ભારતીય ક્રિકેટ કંટ્રોલ બોર્ડ (BCCI) એ શુક્રવારે T20 અને ODI ટીમોની જાહેરાત કરી હતી. આ સિરીઝ સાથે ભારતના એક સ્ટાર ખેલાડીએ સંન્યાસ (Retirement) લેવાનું મન બનાવી લીધું છે. ભારતીય મહિલા ક્રિકેટ ટીમની ફાસ્ટ બોલર (Fast Bowler) ઝુલન ગોસ્વામી (Jhulan Goswami ) છે. ઝુલન મહિલા ક્રિકેટમાં સૌથી વધુ વિકેટ લેનારી બોલર છે. તેણે તમામ ફોર્મેટમાં 352 વિકેટ લીધી છે.
ભારતીય મહિલા ટીમને ઈંગ્લેન્ડના પ્રવાસ પર ત્રણ ટી-20 અને ત્રણ વનડે મેચ રમવાની છે. પ્રવાસની શરૂઆત 10 સપ્ટેમ્બરે પ્રથમ T20 મેચથી થશે. જ્યારે છેલ્લી ODI મેચ 24 સપ્ટેમ્બરે રમાશે. આ મેચ ઝુલનના કરિયરની છેલ્લી મેચ પણ હશે. એક રિપોર્ટના દાવો અનુસાર ઝુલનનું સિલેક્શન પણ માત્ર ODI સિરીઝ માટે જ કરવામાં આવ્યું છે. BCCIના અધિકારીએ જણાવ્યું કે, ઈંગ્લેન્ડ સામેની ત્રીજી ODI એટલે કે સિરીઝની છેલ્લી ODI મેચ ઝુલનની વિદાય મેચ હશે. આ મેચ લોર્ડ્સમાં રમાશે.
39 વર્ષીય ઝુલનને ઈંગ્લેન્ડ સામેની વનડે સીરીઝ માટે ભારતીય ટીમમાં પસંદ કરવામાં આવી છે. તમને જણાવી દઈએ કે તાજેતરમાં જ ભારતીય મહિલા ટીમે ઈંગ્લેન્ડના બર્મિંગહામમાં આયોજિત કોમનવેલ્થ ગેમ્સમાં ભાગ લીધો હતો. જેમાં ભારતીય ટીમ ફાઈનલમાં ઓસ્ટ્રેલિયા સામે હારી ગઈ હતી. આ સાથે ટીમને સિલ્વર મેડલથી સંતોષ માનવો પડ્યો હતો. ઝુલન ગોસ્વામીને કોમનવેલ્થ ગેમ્સ માટે ભારતીય ટીમમાં જગ્યા મળી ન હતી. પરંતુ હવે તેને ઈંગ્લેન્ડ સામેની વનડે સીરીઝ માટે જ પસંદ કરવામાં આવી છે. પ્રાપ્ત માહિતી અનુસાર ટીમ મેનેજમેન્ટે ઝુલનને કહ્યું છે કે તેઓ એવા ખેલાડીઓની શોધમાં છે જે તમામ ફોર્મેટમાં રમી શકે અને ઝુલને યુવા ખેલાડીઓને તક આપવા માટે નિવૃત્તિ લેવાનો નિર્ણય લીધો છે.
વર્લ્ડ કપમાં રમાયેલી છેલ્લી મેચ
ઝુલન ગોસ્વામીએ આ વર્ષે માર્ચ મહિનામાં દેશ માટે છેલ્લી મેચ રમી હતી. ઝુલને ન્યૂઝીલેન્ડમાં યોજાયેલા વર્લ્ડ કપમાં ભારત માટે છેલ્લી મેચ રમી હતી. બીસીસીઆઈ આ વર્લ્ડ કપ દરમિયાન ઝુલનને વિદાય આપવા માંગતી હતી, પરંતુ તે ઈજાને કારણે દક્ષિણ આફ્રિકા સામેની છેલ્લી ગ્રુપ મેચમાં રમી શકી ન હતી. ત્યારથી તેની વિદાય મેચની રાહ જોવાઈ રહી છે. તેણે તેની છેલ્લી ટી20 મેચ વર્ષ 2018માં રમી હતી. તે જ સમયે, તેની કારકિર્દીની છેલ્લી ટેસ્ટ મેચ ઓક્ટોબર 2021 માં રમાઈ હતી.
ઝુલન IPLમાં જોવા મળી શકે છે
મળતી માહિતી અનુસાર, ઝુલન આંતરરાષ્ટ્રીય ક્રિકેટમાંથી નિવૃત્તિ લીધા બાદ IPL રમી શકે છે. મહિલા IPL માર્ચ 2023માં શરૂ થવાની છે અને ઝુલન આ ટૂર્નામેન્ટમાં જોવા મળી શકે છે. આ સિવાય તે મેન્ટરની ભૂમિકા માટે પુરૂષોની IPL ટીમ સાથે પણ વાતચીત કરી રહી છે. તે આગામી સિઝનમાં બંગાળની ટીમ માટે પ્લેયર અને મેન્ટર તરીકે ડોમેસ્ટિક ક્રિકેટ રમી શકે છે.
ઝુલન ગોસ્વામીએ વર્ષ 2002માં પોતાના કરિયરની શરૂઆત કરી હતી. તે સમયે તેની ઉંમર માત્ર 19 વર્ષની હતી. તેમની કારકિર્દીમાં, તેમણે લગભગ બે દાયકા સુધી ભારતની સેવા કરી છે. આ દરમિયાન તેણે દેશ માટે 12 ટેસ્ટ, 68 ટી20 અને 201 વનડે રમી હતી. તે ODIમાં સૌથી વધુ વિકેટ લેનારી મહિલા બોલર છે. તેણે 252 વિકેટ લીધી છે. તેણે છ મહિલા વનડે વર્લ્ડ કપમાં ભાગ લીધો છે. ઈંગ્લેન્ડના પ્રવાસમાં ભારતીય ટીમને ત્રણ ટી-20 મેચ રમવાની છે, જે 10, 13 અને 15 સપ્ટેમ્બરે રમાશે. આ પછી ત્રણ વનડે મેચોની સીરીઝ પણ રમાશે. સીરીઝની શરૂઆત 18 સપ્ટેમ્બરે થશે, બીજી મેચ 21 સપ્ટેમ્બર અને ત્રીજી મેચ 24 સપ્ટેમ્બરે રમાશે.
