“8 મહિલાઓને મુક્ત કરો”, નહીં તો ભીષણ કાર્યવાહીનો ઈશારો
અમેરિકા અને Iran વચ્ચે વધતા તણાવ ને લઇ ઇસ્લામાબાદમાં યોજાનારી મહત્વપૂર્ણ શાંતિ મંત્રણા પહેલાં અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ઈરાનને કડક સંદેશ આપ્યો છે. ટ્રમ્પે ઈરાન સરકારને અપીલ કરી છે કે ફ્રાંસની જેલમાં બંધ રાખવામાં આવેલી 8 મહિલાઓને તરત જ મુક્ત કરવામાં આવે. ટ્રમ્પે આ પગલાને “વાતચીત માટેની સકારાત્મક શરૂઆત” તરીકે ગણાવ્યું છે.
ટ્રમ્પે સોશિયલ મીડિયા પ્લેટફોર્મ ‘ટ્રુથ સોશિયલ’ પર પોસ્ટ કરીને જણાવ્યું હતું કે અમેરિકા તરફથી મોકલવામાં આવેલા પ્રતિનિધિઓ સાથે ચર્ચા પહેલાં ઈરાન આ મહિલાઓને મુક્ત કરે તો તે શાંતિ પ્રક્રિયા માટે મહત્વપૂર્ણ સંકેત બની શકે છે. તેમણે સ્પષ્ટ કહ્યું કે આ પગલું બંને દેશો વચ્ચે વિશ્વાસ વધારવામાં મદદરૂપ બની શકે છે.
“મહિલાઓને મુક્ત કરશો તો સારી શરૂઆત થશે” : ટ્રમ્પે પોતાના નિવેદનમાં જણાવ્યું કે “હું ઈરાનના નેતાઓને અપીલ કરું છું કે ફ્રાંસની જેલમાં બંધ 8 મહિલાઓને તરત મુક્ત કરો. આ નિર્ણય ચર્ચા પહેલાં વિશ્વાસ વધારશે અને સકારાત્મક સંદેશ આપશે.” તેમણે ઉમેર્યું કે અમેરિકા શાંતિપૂર્ણ ઉકેલ માટે પ્રતિબદ્ધ છે,પરંતુ જરૂરી હોય તો કડક કાર્યવાહી માટે પણ તૈયાર છે.
ચર્ચા નિષ્ફળ જશે તો ‘ભીષણ પગલાં’ની ચેતવણી : ટ્રમ્પે ચેતવણી આપતાં જણાવ્યું કે જો શાંતિ મંત્રણા નિષ્ફળ જશે તો અમેરિકા ઈરાન સામે કડક કાર્યવાહી કરી શકે છે. મીડિયા રિપોર્ટ્સ અનુસાર ટ્રમ્પે સંકેત આપ્યો છે કે જરૂર પડશે તો સૈન્ય વિકલ્પો પણ ખુલ્લા રાખવામાં આવ્યા છે. આ નિવેદન પછી આંતરરાષ્ટ્રીય રાજકીય વર્તુળોમાં ચિંતા વધી ગઈ છે.
ઇસ્લામાબાદમાં હાઇ-લેવલ બેઠક પર વિશ્વની નજર : પાકિસ્તાનની રાજધાની Islamabadમાં યોજાનારી આ હાઇ-લેવલ બેઠક માટે અમેરિકાએ પોતાની મજબૂત પ્રતિનિધિમંડળ મોકલ્યું છે. આ બેઠક મધ્યપૂર્વ વિસ્તારમાં વધતા તણાવ વચ્ચે અત્યંત મહત્વપૂર્ણ માનવામાં આવી રહી છે. નિષ્ણાતોનું માનવું છે કે આ ચર્ચા સફળ થશે તો વિસ્તારમાં સ્થિરતા આવી શકે છે, નહીં તો પરિસ્થિતિ વધુ ગંભીર બની શકે છે. હાલ સમગ્ર વિશ્વની નજર આ શાંતિ મંત્રણા પર ટકેલી છે. હવે જોવાનું રહ્યું કે ઈરાન ટ્રમ્પની અપીલને કેવી પ્રતિક્રિયા આપે છે અને ચર્ચાઓથી કોઈ ઠોસ પરિણામ સામે આવે છે કે નહીં.
