સુરત(Surat) : રીંગરોડ (RingRoad) પર આવેલા ચામુંડા રેસ્ટોરન્ટ (Chamunda Restaurant) સામે એક સ્કૂલના (School) વિદ્યાર્થીઓ (Student) વચ્ચે છુટાહાથની મારામારી (Fight) કરતા વિડિયો (Video) સોશિયલ મીડિયામાં (Social Media) વાયરલ (Viral) થતા ચર્ચાનો વિષય બન્યો છે. જોકે કઈ બાબતથી વિદ્યાર્થીઓ વચ્ચે મારામારી થઈ એ જાણી શકાયું નથી.જોકે વિદ્યાર્થીઓ નજીકની જ શાળાના વિદ્યાર્થીઓ હોવાનું અને એક-બે વિદ્યાર્થીઓને ટાર્ગેટ કરી હુમલો કર્યો હોવાનું સ્પષ્ટ દેખાય રહ્યું છે.
સ્થાનિક લોકોએ જણાવ્યું હતું કે ખબર જ નહીં પણ કે વિદ્યાર્થીઓ કઈ બાબતે લડી રહ્યા છે. અચાનક જ એક-બે વિદ્યાર્થીઓ પર કેટલાક સ્કૂલ ડ્રેસના અને કેટલાક રંગીન ડ્રેસના બાળકો તૂટી પડ્યા હતા. એક વિદ્યાર્થીનો તો શર્ટ ફાડી ને માર મારવામાં આવ્યો હતો. લડાઈ એટલી ઉગ્ર હતી કે વચ્ચે પડતા લોકોને પણ અપશબ્દો સાંભડવાનો વારો આવ્યો હતો.
વધુમાં જાણવા મળ્યું હતું કે વિદ્યાર્થીઓ ગાળો બોલીને માર મારતા હતા. તને જોઈ લઈશ, કે તું જો હવે, બસ કેટલીક મિનિટોની લડાઈ નો આખો વિડીયો બનતો જોઈ વિદ્યાર્થીઓ વિખેરાઈ ગયા હતા. જોકે આ એક ગંભીર બાબત સામે આવી હતી. હાલ આ બાબત ને લઈ શાળા કે વાલીઓ એ જાગૃત થવું ખૂબ જ જરૂરી છે. નહિતર આગામી દિવસોમાં આ લોહિયાળ બને એ વાત ને નકારી શકાય નહીં.
ઘોડદોડ રોડના બિલ્ડર રમેશ કોઠારીને ઓફિસમાં ઘૂસીને માર મરાયો
સુરત : ઘોડદોડ રોડ ઉપર બિલ્ડરને 30 લાખ આપવાનું લેણદારને ભારે પડી ગયું હતું. નાણા લેવા માટે સબંધીને મોકલતા ઉગ્ર બોલાચાલી થતા નાણા તો નહીં મળ્યા પરંતુ બિલ્ડરે નાણા માંગનારને પોલીસ લોકઅપમા નંખાવી દીધો હતો.
પોલીસ સૂત્રોના જણાવ્યા અનુસાર પાર્લે પોંઇન્ટ સ્થિત ધરમપેલેસમાં રહેતાં બિલ્ડર રમેશ કોઠારીએ આ બનાવ અંગે જીમી સંઘવી સામે ફરિયાદ નોંધાવી હતી. તેમણે તેમની ફરિયાદમાં જણાવ્યું હતું કે, અર્પણભાઇ નામની વ્યક્તિને તેમણે રૂપિયા 30 લાખ ચૂકવવાના બાકી છે. આ નાણા સગવડ થતાં પછીથી આપવાની તેમણે વાત કરી હતી.
દરમિયાન ગઇ કાલે રાત્રે સાડા આઠ વાગ્યે તેઓ હેરોડ્સ બિલ્ડિંગમાં આવેલી તેમની ઓફિસમાં બેઠા હતાં. તે દરમિયાન તેમની બાજુની ઓફિસ તેમના જ ભાગીદાર ભરત મોદીની છે. તેમના ભાગીદારની ઓફિસમાં જીમી સંઘવી નામનો ઇસમ રમેશ કોઠારી કોણ છે તેવું પૂછી રહ્યો હતો અને બંને બાથંબાથી કરી રહ્યાં હતાં.
એટલે તેઓ બહાર આવ્યા હતાં અને રમેશ કોઠારી હોવાનું કહેતાં જ જીમી તેમના પર તૂટી પડ્યો હતો અને માર માર્યો હતો. જીમી સંઘવીએ તેમને મારી નાંખવાની ધમકી પણ આપી હતી. તેમણે ફરિયાદમાં જણાવ્યું હતું કે, જીમી સંઘવી સાથે તેમને કે તેમના ભાગીદારને કોઇ જ લેવા દેવા નહીં હોવા છતાં તેમને માર મરાયો હતો.
