ક્યારેક મોટા સુપરસ્ટાર પોતાના કામના કારણે મુશ્કેલીમાં મુકાઈ જાય છે. ચીનના પ્રખ્યાત સુપરસ્ટાર (Chinese Famous Superstar) લી યિફેંગ (Li Yifeng) સાથે પણ એવું જ થયું છે. લીની અનેક સેક્સ વર્કર્સને (Prostitute) હાયર કરવા બદલ ધરપકડ કરવામાં આવી છે. છેલ્લા કેટલાક દિવસોમાં ચીનની સરકારે ચીનના મનોરંજન ઉદ્યોગ પર પોતાની પકડ વધુ કડક કરી છે. અત્યાર સુધી આવા ઘણા કિસ્સાઓ સામે આવ્યા છે જેમાં સ્ટાર્સ ગેરકાયદેસર કામ કરતા પકડાયા છે. ત્યારે પોલીસે લી ને કસ્ટડીમાં લીધા બાદ તેની વિરૂદ્ધ ચાર્જશીટ દાખલ કરી છે.
લીએ પોતાના પર લાગેલા આરોપો સ્વીકાર્યા છે
ચીનના રાજ્ય મીડિયાએ કહ્યું છે કે પોલીસે 35 વર્ષીય લીને કસ્ટડીમાં લીધા બાદ લી વિરુદ્ધ ચાર્જશીટ દાખલ કરી છે. જેમાં લી પર વેશ્યાવૃત્તિને (Prostitution) પ્રોત્સાહન આપવાનો આરોપ લગાવવામાં આવ્યો છે. રિપોર્ટ અનુસાર લીએ પોતાની ઉપર લગાવવામાં આવેલા આ આરોપોનો સ્વીકાર કર્યો છે. બીજી તરફ ઘણી બધી બ્રાન્ડસ દ્વારા લી સાથે સંબંધ તોડી દેવાયા છે. લી યિફેંગને ઘણી આંતરરાષ્ટ્રીય બ્રાન્ડ્સે હાયર કરી હતી. હવે લીના આ કેસમાં પકડાયા બાદ મોટાભાગની બ્રાન્ડ્સે લીનો કોન્ટ્રાક્ટ ખતમ કરી દીધો છે. લી ત્યારે ખૂબજ પ્રખ્યાત થયા હતાં જ્યારે 2021ની બાયોપિકમાં તેણે માઓનું પાત્ર ભજવ્યું હતું.
અનેક સેલિબ્રિટી ફસાયા છે
તમને જણાવી દઈએ કે લી એવા પ્રથમ કલાકાર નથી કે જેમની આ પ્રકારના આરોપમાં ધરપકડ કરવામાં આવી હોય. બળાત્કારના આરોપમાં ગયા ઓગસ્ટમાં સિંગર ક્રિસ વુની પણ ધરપકડ કરવામાં આવી હતી. આ સિવાય અભિનેત્રી ઝેંગ શુઆંગની પણ $46 મિલિયનની કરચોરીના આરોપમાં ધરપકડ કરવામાં આવી હતી.
ગ્લેમર વર્લ્ડની ટોચની અભિનેત્રીઓ જેઓ વેશ્યાવૃત્તિમાં ફસાયેલી હતી
દરેક વ્યક્તિ ગ્લેમર વર્લ્ડનો ભાગ બનવા માંગે છે. ત્યાંની ભવ્યતા અને સુંદરતા પ્રત્યે લોકો ખૂબ જ આકર્ષિત થાય છે. પરંતુ જ્યારે તેની સાથે જોડાવા છતાં સફળતા મળતી નથી ત્યારે ત્યાંના લોકો પૈસા કમાવવા માટે બીજો રસ્તો પસંદ કરે છે. આજીવિકા માટે ઘણી વખત તેઓ આવા કામ કરવા લાગે છે જેના કારણે તેમને ભવિષ્યમાં ઘણી સમસ્યાઓનો સામનો કરવો પડે છે. આ ઈન્ડસ્ટ્રીમાં આવા ઘણા વિવાદો પણ થયા છે જે તેની ચમકની સત્યતાની વાત કરે છે. બોલીવુડમાં પણ ઘણા એવા સ્ટાર્સ છે જેઓ સેક્સ રેકેટથી લઈને ઘણા ખોટા કામોને કારણે હેડલાઈન્સમાં આવ્યા છે.
તેલુગુ ફિલ્મોની અભિનેત્રી સાયરા ભાનુને 2010માં હૈદરાબાદ પોલીસે સેક્સ રેકેટમાં પકડી હતી. તેણે ઘણી ફિલ્મોમાં મુખ્ય ભૂમિકા ભજવી હતી. સહાયક ભૂમિકામાં પણ જોવા મળી હતી. શર્લિન ચોપરા વિશે તમે બધા પરિચિત છો. તેણે ‘પ્લેબોય મેગેઝિન’ માટે ન્યૂડ થઈને સનસનાટી મચાવી હતી. તે સેક્સ રેકેટમાં પણ ઝડપાઈ હતી. તેણે પોતે જ ખુલાસો કર્યો હતો કે તે પૈસા માટે ઘણા લોકો ખોટું કામ કર્યું છે.
‘ક્રિમિનલ જસ્ટિસ 3’માં વકીલની ભૂમિકા ભજવતી અભિનેત્રી શ્વેતા બાસુ પ્રસાદ પણ ત્યારે ચર્ચામાં આવી જ્યારે પોલીસે તેની સેક્સ રેકેટમાં સંડોવણી બદલ ધરપકડ કરી. જો કે આ કેસમાં શ્વેતાને નિર્દોષ જાહેર કરવામાં આવી છે. અભિનેત્રી એશ અંસારીની પોલીસે 2010માં રાજસ્થાનના જોધપુરથી ધરપકડ કરી હતી. આ દરમિયાન તેણે બચવા માટે શાહરૂખ ખાન સાથેનો ફોટો પણ બતાવ્યો હતો પરંતુ મામલો થાળે પડ્યો ન હતો.
