નવી દિલ્હી: આર્જેન્ટિનાના (Argentina) નવા રાષ્ટ્રપતિ (President) જેવિયર માઇલી (Javier Miley) વિવાદોમાં ઘેરાઇ ગયા છે. રાષ્ટ્રપતિ 2024ના પ્રથમ દિવસે 9.40 વાગ્યે માર ડેલ પ્લાટાના (Mar del Plata) રોક્સી થિયેટરમાં (Roxy Theater) પહોંચ્યા હતા. અહીં તેઓ એક મ્યૂઝિકલ પ્રોગ્રામમાં (Musical program) આવ્યા હતા. દરમિયાન તેમણે જાહેરમાં પોતાની ગર્લફ્રેન્ડ (girlfriend) સાથે લીપ લોક કર્યું હતું. 53 વર્ષીય માઈલીની ગર્લફ્રેન્ડનું નામ ફાતિમા ફ્લોરેઝ છે.
પ્રાપ્ત વિગતો મુજબ માઇલી ન્યુ યર સેલિબ્રશન માટે માર ડેલ પ્લાટાના રોક્સી થિયેટરમાં પોતાની ગ્રર્લફ્રેન્ડના મ્યૂઝિકલ ઇવેન્ટમાં પહોંચ્યા હતાં. જ્યાં તેઓ રત્રે લગભગ 9:40 વાગ્યાની આસપાસ પહોંચ્યા હતાં. તેમજ શો માટે પોતાના પૈસાથી ટીકીટ ખરીદી હતી. ત્યાર બાદ ગ્રર્લફ્રેન્ડ ફાતિમા ફ્લોરેઝના પર્ફોર્મન્સ બાદ તેઓ સ્ટેજ ઉપર આવ્યા હતાં. તેમજ ફાતિમા સાથે લીપ લોક કર્યું હતું. રાષ્ટ્રપતિની આવી હરકત બાદ ત્યાં ઉપસ્થિત લોકો અચંબીત થઇ ગયા હતાં. તેમજ તેમનો વીડિયો ઉતારી સોશિયલ મીડિયા ઉપર પોસ્ટ કરી દીધો હતો. પરિણામે હાલ રાષ્ટ્રપતિ માઇલીને જનતાના ટ્રોલનો સામનો કરવો પડી રહ્યો છે.
જાહેરમાં કિસ કરવા બદલ રાષ્ટ્રપતિની ઘણી ટીકા થઈ રહી છે. તેમનો વીડિયો સોશિયલ મીડિયા પર વાયરલ થઇ રહ્યો છે. યુઝર્સનું કહેવું છે કે સાર્વજનિક હોદ્દો ધરાવનાર વ્યક્તિએ બધાની સામે આવું વર્તન ન કરવું જોઈએ. ‘આર્જેન્ટિનાના રાષ્ટ્રપતિ જેવિયર મિલીએ તેની ગર્લફ્રેન્ડ સાથે સ્ટેજ પર આવું કર્યું! શું કોઈ વ્યભિચારી જાહેરમાં આ રીતે સ્ટેજ પર જઈ શકે છે?’
અન્ય યુઝરે કહ્યું, ‘આર્જેન્ટિનાના રાષ્ટ્રપતિ જેવિયર માઇલીએ લાઇવ થિયેટર શો દરમિયાન તેમની ગર્લફ્રેન્ડ ફાતિમા ફ્લોરેઝને જુસ્સાથી કિસ કરી હતી. આ એ વાતનો પુરાવો છે કે તમે સરકારી બર્બાદીને ખતમ કરી શકો છો. સામ્યવાદનો નાશ કરી શકો છો અને હજી પણ મજા કરવાનો સમય છે.’
જણાવી દઇયે કે આ પહેલીવાર નથી જ્યારે આ કપલે જાહેરમાં કિસ કરી હોય. નવેમ્બરમાં ચૂંટણી બાદ પણ તેઓએ પોતાની ગર્લફ્રેન્ડને કીસ કરી હતી. દરમિયાન સ્થાનિક ન્યુઝમાં જણાવવામાં આવ્યું હતું કે, માઇલી તેની બહેન કરીના અને સુરક્ષા પ્રમુખ સાથે થિયેટરમાં આવ્યા હતા.
માઇલીની તેમની ગર્લફ્રેન્ડ સાથે પ્રથમ મુલાકાત એક ટોક શો દરમિયાન થઈ હતી. આ કપલ 2022 થી સાથે છે. ફ્લોરેઝે શોમાં માઇલીને મળ્યા બાદ બે મહિના બાદ જ તેણીના પતિને છોડી દીધો હતો. ત્યારબાદ ઓક્ટોબરમાં બંને એક ચેટ શોમાં આવ્યા હતા. તેમજ તેઓએ ડેટિંગની પુષ્ટિ કરી હતી.
