મુંબઇ: અનુષ્કા શર્મા (Anushka Sharma) અને વિરાટ કોહલીની (Virat Kohli) જોડીને લોકો ખૂબ પસંદ કરે છે. ભારત (Inida) વિરુદ્ધ ઓસ્ટ્રેલિયા ક્રિકેટ (Cricket) મેચમાં વિરાટે શાનદાર પ્રદર્શન કર્યું હતું. આ દરમિયાન અનુષ્કા વિરાટને સપોર્ટ કરવા સ્ટેડિયમ પહોંચી હતી. તેના ઘણા વીડિયો અને તસવીરો વાયરલ થયા છે. આમાં અભિનેત્રી સફેદ લૂઝ ડ્રેસ પહેરેલી જોવા મળી હતી. ત્યારથી, અભિનેત્રીની ગર્ભાવસ્થાની (Preganancy) અફવાઓએ વધુ વેગ મેળવ્યો હતો. જો કે આ ચર્ચા વચ્ચે હવે એક્ટ્રેસનો એક થ્રોબેક વીડિયો વાયરલ (Viral Video) થઈ રહ્યો છે.
અનુષ્કા શર્માનો એક જૂનો વીડિયો સોશિયલ મીડિયા પર ધૂમ મચાવી રહ્યો છે. આમાં અભિનેત્રીને એમ કહેતી સાંભળી શકાય છે કે તે બાળક થયા પછી કામ કરવા માંગતી નથી. વાયરલ ક્લિપ સિમી ગરેવાલના ઈન્ડિયાઝ મોસ્ટ ડિઝાયરેબલ શોની છે. હોસ્ટ સિમી ગરેવાલ પૂછે છે, ‘શું લગ્ન તમારા માટે મહત્વપૂર્ણ છે?’ આના પર અનુષ્કા કહે છે, ‘તે ખૂબ જ મહત્વપૂર્ણ છે. મારે લગ્ન કરવા છે. મારે બાળકો જોઈએ છે અને જ્યારે હું લગ્ન કરીશ ત્યારે હું કદાચ કામ કરવા માંગતી નથી. આવી સ્થિતિમાં, હવે ચાહકો પૂછી રહ્યા છે કે શું અનુષ્કા શર્મા તેના બીજા બાળકના જન્મ પછી ઇન્ડસ્ટ્રીને અલવિદા કહી દેશે?
જો કે, અભિનેત્રીએ હજી સુધી તેણીની ગર્ભાવસ્થાની અફવાઓ પર કોઈ પ્રતિક્રિયા આપી નથી, ન તો અભિનેત્રીના પતિએ તેના પર કંઈપણ કહ્યું છે. તાજેતરમાં જ સમાચાર સામે આવ્યા હતા કે અભિનેત્રીની પ્રેગ્નન્સીને કારણે વિરાટ કોહલીએ બ્રેક લીધો છે. દરમિયાન, વાયરલ વિડીયોએ લોકોને આશ્ચર્યમાં મૂકી દીધા છે કે શું અનુષ્કા શર્મા તેના બીજા બાળક પછી અભિનય છોડી દેશે.
અનુષ્કા શર્મા છેલ્લે ફિલ્મ ‘ઝીરો’માં જોવા મળી હતી. આ અભિનેત્રી શાહરૂખ ખાન સામે હતી. આ ફિલ્મમાં કેટરિના કૈફ લીડ રોલમાં હતી. ત્યારથી અભિનેત્રી લાંબા બ્રેક પર છે. સોશિયલ મીડિયા પર ખૂબ જ એક્ટિવ રહેતી આ એક્ટ્રેસ પોતાની લાઈફના અપડેટ્સ ફેન્સ સાથે શેર કરે છે. મળતી માહિતી મુજબ અભિનેત્રી ‘ચકદા એક્સપ્રેસ’માં જોવા મળશે. અભિનેત્રીએ તેનું શૂટિંગ પણ પૂર્ણ કરી લીધું છે. ફેન્સ અભિનેત્રીના કમબેકની રાહ જોઈ રહ્યા છે.
