હાલોલ: હાલોલના જાહેર બગીચામાં અસામાજિક તત્વો દ્વારા બાંકડાઓની તોડફોડ કરી ઉંધા પાડી ભયનો માહોલ પેદા કરાતા નગરજનોમાં ભારે રોષ વ્યાપયો છે, જ્યારે બગીચામાં સીસીટીવી કેમેરા સહિતની સુરક્ષા વ્યવસ્થા ન હોવાના કારણે અસામાજિક તત્વો ફુલ્યા ફાલ્યા હોવાની ચર્ચાઓ ઉઠી હતી.હાલોલ નગરપાલિકાની જોડે જ આવેલ જાહેર બગીચામાં ગતરોજ રાત્રિના સુમારે કેટલાક અસામાજિક તત્વો દ્વારા બગીચામાં લોકોને નિરાંતે બેસવા માટે મુકાયેલા બાંકડા ઉંધા પાડી કેટલાક બાંકડાઓની તોડફોડ કરવામાં આવતા સમગ્ર નગરમાં આ મુદ્દો ટોપ ઓફ ધ ટાઉન બનવા પામ્યો છે.
જેમાં હાલમાં ઉનાળાનો આરંભ થતાની સાથે જ મોટી સંખ્યામાં લોકો બગીચામાં નિરાંતની પળો માણવા તેમજ મનને પ્રફુલ્લિત રાખવા તેમજ પરિવારજનો સાથે ટોળા-ટપ્પા કરી બાળકો સાથે રમત ગમતના આશય સાથે બગીચામાં આવી સમય વિતાવી રહ્યા છે જ્યારે બાળકો પણ લપસણી નિસરણી ઝુલા સહિતની રમતો રમી માસુમ નિર્દોષ રમતો રમવા માટે તેમજ વડીલો ઘડીક મનની શાંતિ માટે બગીચામાં સમય વિતાવવા માટે આવી રહ્યા છે જ્યારે સવાર સાંજ યુવા-યુવતીઓ મહિલા પુરુષો બગીચામાં મોર્નિંગ તેમજ ઈવનિંગ વોક કરવા તેમજ હળવી કસરતો કરી તન મનને મજબૂત તેમજ પ્રસન્ન રાખવાના આશય સાથે બગીચામાં આવી સમય પસાર કરી રહ્યા છે.
ત્યારે કેટલાક અસામાજિક તત્વોએ આવા સંજોગોમાં હાલોલ ખાતે નગરપાલિકાની જોડે જ આવેલા જાહેર બગીચાને પોતાના બાનમાં લઇ કેટલીક અસામાજિક પ્રવૃત્તિઓ બગીચામાં કરતા હોવાની લોક ચર્ચાઓ ઉઠવા પામી છે જેમાં કેટલાક અસામાજિક તત્વોએ જાહેર બગીચાની શાંતિ ભંગ કરવાના ઇરાદે બગીચામાં લોકોને બેસવા માટે મુકેલ બાકડાને ઉંધા પાડી દઈ તેમજ કેટલાક બાંકડાઓમાં તોડફોડ કરી અને બગીચાના ફૂલ ઝાડવા છોડનની પણ તોડફોળ કરી હોવાની ઘટના સામે આવતા નગરજનોમાં ભારે રોષ પેદા થવા પામ્યો છે.
