ઓસ્લો: નોર્વેના (Norway) શાહી પરિવારે (Royal family) મંગળવારે એક મોટી જાહેરાત કરી હતી. તેમણે કહ્યું કે પ્રિન્સેસ (Princess) માર્થા લુઇસ (Martha Louise) તેની સત્તાવાર ફરજો અને શાહી સમર્થન છોડી દેશે. શાહી પરિવાર સાથેના સંબંધો તોડીને, માર્થા જાદુઈ તાવીજ વેચતા સ્વ-ઘોષિત ‘શામન’ તાંત્રિક (Tantric) ડ્યુરેક વેરેટ (Durak Verret) સાથે સંબંધો (Relation) રાખશે.
એક અધિકારી નિવેદનમાં રોયલ કોર્ટે કહ્યું કે માર્થા લુઇસ હવે ‘પ્રિન્સેસ’ શીર્ષકનો ઉપયોગ કરશે નહીં. તેમજ માર્થા તેના સોશિયલ મીડિયા એકાઉન્ટ્સ અથવા વ્યવસાયમાં શાહી પરિવારનો ઉલ્લેખ કરશે નહીં. કુટુંબના અન્ય સભ્યો માર્થા પાસેના સંગઠનોનો હવાલો સંભાળશે.
- નોર્વેની રાજકુમારીએ બોયફ્રેન્ડ માટે શાહી પરિવાર સાથેના સંબંધો તોડી નાખ્યા
- કાળો જાદુ કરતો તાંત્રિક પ્રિન્સેસ સાથે પરણશે, તે વેબસાઇટ પર જાદુઈ તાવીજ વેચે છે
- લોકો કહે છે કે તે ઠગ છે અને માનવ મગજથી કેન્સર મટાડવાનો દાવો કરે છે
એક નિવેદનમાં કહેવામાં આવ્યું છે કે, “રાજકુમારી તેની વ્યાવસાયિક પ્રવૃત્તિઓ અને શાહી પરિવારના સભ્ય તરીકેની ભૂમિકા વચ્ચે તફાવત લાવવા માટે આ પગલું લઈ રહી છે.” ‘તાંત્રિક’ સાથેના સંબંધોને કારણે ચર્ચામાં આવેલી માર્થા લુઈસ ભૂતકાળમાં પણ વિવાદોમાં રહી છે. વર્ષ 2002 માં, તેણે તેનું ‘હર રોયલ હાઇનેસ’ ટાઇટલ ગુમાવ્યું હતું. તેણીએ દાવો કર્યો હતો કે તે એન્જલ સાથે વાત કરી શકે છે અને તે જ્યોતિષી તરીકે કામ કરવા માંગે છે .
‘છઠ્ઠી પેઢીના તાંત્રિક’ હોવાનો દાવો
તાજેતરનો વિવાદ ડ્યુરેક વેરેટ સાથેના માર્થા સંબંધોને કારણે ઉભો થયો છે, જેમાં લોકોએ ઘણો રસ મેળવી રહ્યા છે. વેરેટ ‘છઠ્ઠી પેઢીના તાંત્રિક’ હોવાનું સામે આવ્યું છે. વર્રેટ, જે વર્ચ્યુઅલ વાતચીત માટે $1,500 ચાર્જ કરે છે, તેણે ગ્વિનેથ પેલ્ટ્રો અને એન્ટોનિયો બંદેરાસ જેવી સેલિબ્રિટી સાથે કામ કર્યું છે. તેણે પોતાના પુસ્તક ‘સ્પિરિટ હેકિંગ’માં ઘણા વિચિત્ર દાવા કર્યા છે.
લોકો તેને ‘ઠગ’ કહે છે
ડ્યુરેક વેરેટ દાવો કરે છે કે માનવ મગજમાંથી કેન્સર મટાડી શકે છે. તે તેની વેબસાઈટનો ઉપયોગ ‘જાદુઈ તાવીજ’ વેચવા માટે કરે છે જેમાં તે કહે છે કે ‘માનવને દુષ્ટ આંખ, શ્રાપ અથવા મેલીવિદ્યાથી બચાવો.’ પોતાના તાવીજથી કોરોના વાયરસનો ઈલાજ કરવાનો દાવો કરનાર વેરેટને નોર્વેજીયન લોકોએ ‘ઠગ’ કહ્યો હતો. માર્થા લેવિસ અને વેરેટની સગાઈ થઈ ગઈ છે. લગ્ન પછી, વેરેટને શાહી પદવી નહીં મળે પરંતુ તે ‘શાહી પરિવારનો ભાગ’ બની જશે.
