રાજ્યમાં છેલ્લા 24 કલાકમાં કોરોનાના વધુ 18 નવા કેસ નોંધાવા પામ્યા છે. બીજી તરફ આજે 21 દર્દીઓ સાજા થયા હતા. તો વળી આજે સાંજે ચાર વાગ્યા સુધીમાં 5.58 લાખ લોકોને રસી આપવામાં આવી હતી, આ સાથે રાજ્યમાં અત્યાર સુધીમાં કુલ 5,02,62,761 વ્યકિતઓનું રસીકરણ કરવામાં આવ્યું છે.
આજે નવા નોંધાયેલા કેસમાં અમદાવાદ મનપામાં , સુરત મનપા 3, વડોદરા મનપા, કચ્છ, નવસારીમાં 2-2 જ્યારે તાપી, ગાંધીનગર મનપામાં 1-1 કેસનો સમાવેશ થાય છે. રાજ્યમાં હાલમાં 149 એક્ટિવ કેસ, 143 દર્દીઓ સ્ટેબલ છે, તેમાંથી 03 દર્દીઓ વેન્ટિલેટર પર છે.
મંગળવાર સાંજે ચાર વાગ્યા સુધીમાં 5,58,054 વ્યકિતઓને રસી આપવામાં આવી હતી. રાજ્યમાં આજે 22 હેલ્થ કેર વર્કર અને ફ્રન્ટ લાઈન વર્કર પ્રથમ ડોઝ તેમજ 4360ને બીજો ડોઝ આપવામાં આવ્યો છે. તેવી જ રીતે 45 વર્ષથી વધુ ઉંમરના 84,514ને પ્રથમ અને 72,775ને બીજો ડોઝ આપવામાં આવ્યો હતો. જ્યારે 18-45 વર્ષ સુધીના પ્રથમ ડોઝ 2,44,418 ને અને બીજો ડોઝ 1,51,965ને મળી આજે કુલ 5,58,054 વ્યકિતઓનું રસીકરણ કરવામાં આવ્યું હતું. અત્યાર સુધીમાં કુલ 5,02,62,761 વ્યકિતઓનું રસીકરણ કરવામાં આવ્યું છે.
