ઓલપાડ ખાતે આવેલી ધી ઓલપાડ ગ્રુપ કો.ઓ. કોટન સેલ સોસાયટી લિ.ની શુક્રવારે પ્રમુખ અને ઉપપ્રમુખની ચૂંટણી યોજાઈ હતી. જેમાં પ્રમુખ તરીકે મનહર પટેલ (કદરામા)ની સતત ત્રીજી વખત બિનહરીફ વરણી થઈ હતી. જ્યારે ઉપપ્રમુખ તરીકે હાથીસાના રમેશ પટેલનો ત્રણ મતે વિજય થયો હતો. ઓલપાડ કોટન મંડળીના પ્રમુખ ઉપપ્રમુખ માટેની ચૂંટણી ઈશ્વર પટેલ (અસનાડ)ની અધ્યક્ષતામાં યોજાઈ હતી. જેમાં પ્રમુખ તરીકે કદરામાના મનહર કે.પટેલની દરખાસ્ત જગજીવન પટેલ (અસનાબાદ)એ મૂકી હતી. જેનો ટેકો ભાવિન પટેલ (સરસાણા)એ આપ્યો હતો. મનહરભાઈની પ્રમુખ તરીકે બિનહરીફ વરણી થઈ હતી.
જ્યારે ઉપપ્રમુખ તરીકે રમેશ નાનુ પટેલ (હાથીસા)ની દરખાસ્ત કિરીટ પટેલ (કસાદ)એ મૂકી હતી. જેને ટેકો ભાસ્કર પટેલ (કુવાદ)એ આપ્યો હતો. જ્યારે હિતેશભાઈ બાબુભાઇ પટેલ (મીરઝાપોર)ની દરખાસ્ત કાંતિભાઈ પટેલ (મંદરોઇ)એ આપ્યો હતો. જેનો ટેકો જયેશ પટેલ (મીંઢી)એ આપતાં બંને વચ્ચે ચૂંટણી યોજાતા હિતેશ પટેલને 9 મત મળ્યા હતા. જ્યારે રમેશભાઈને 12 મત મળતાં ત્રણ મતે વિજય થયો હતો. મંડળીના પ્રમુખ મનહર પટેલે જણાવ્યું હતું કે, છેલ્લી ત્રણ વર્ષથી હું પ્રમુખ તરીકે સેવા આપી રહ્યો છું. જે સભાસદો અને ડિરેક્ટરોનો આભારી છું.
