યુએસ-ઇઝરાયલી હુમલામાં ઈરાનના સર્વોચ્ચ નેતા અલી ખામેનીની મોતના સમાચાર ફેલાતા જ પાકિસ્તાનના કરાચીમાં તણાવ વધ્યો છે. અમેરિકન દૂતાવાસની બહાર વિરોધ પ્રદર્શનો ફાટી નીકળ્યા. રોઇટર્સના જણાવ્યા અનુસાર ઓછામાં 10 વિરોધીઓ માર્યા ગયા હોવાના અહેવાલ છે. મોટી સંખ્યામાં વિરોધીઓ લાકડીઓ સાથે કોન્સ્યુલેટની આસપાસ એકઠા થયા હતા અને તોડફોડ શરૂ કરી હતી. ત્યારબાદ સ્થાનિક પોલીસે ભીડને વિખેરવા માટે ટીયર ગેસ અને ચેતવણીના ગોળીબારનો ઉપયોગ કરવો પડ્યો હતો.
ઈરાનમાં થયેલા વિસ્ફોટોએ ફરી એકવાર પશ્ચિમ એશિયાને યુદ્ધની અણી પર લાવી દીધું છે. ઈરાનના સર્વોચ્ચ નેતા આયાતુલ્લાહ અલી ખામેનીના મૃત્યુ પછી પાકિસ્તાનના કરાચીમાં યુએસ કોન્સ્યુલેટ પર મોટો હુમલો કરવામાં આવ્યો હતો. ખામેનીના મૃત્યુના વિરોધમાં પાકિસ્તાની નાગરિકોએ હુમલો કર્યો હતો. આ હુમલાનો એક વીડિયો પણ વાયરલ થઈ રહ્યો છે. વીડિયોમાં સ્પષ્ટપણે પાકિસ્તાનીઓનું ટોળું યુએસ કોન્સ્યુલેટ પર હુમલો કરી રહ્યું છે. તેઓએ ઇમારતમાં તોડફોડ કરી અને એક ભાગને આગ લગાવી દીધી. જેમ જેમ હિંસા વધતી ગઈ તેમ તેમ તોફાનીઓનું વર્ચસ્વ વધતું ગયું. આ દરમિયાન, વિરોધીઓ પર ભારે ગોળીબાર કરવામાં આવ્યો જેના પરિણામે 10 લોકો માર્યા ગયા.
વિરોધીઓ પર ગોળીબારમાં 10 લોકોના મોત
પાકિસ્તાની નાગરિકોએ કરાચીમાં યુએસ કોન્સ્યુલેટ પર હુમલો કરીને આગ લગાવી દીધી ત્યારથી સ્થળ પર પરિસ્થિતિ બગડવા લાગી. થોડી જ વારમાં સેંકડો લોકો ઘટનાસ્થળે એકઠા થઈ ગયા. જ્યારે પરિસ્થિતિ કાબુ બહાર ગઈ ત્યારે પોલીસે વિરોધીઓ પર અંધાધૂંધ ગોળીબાર કર્યો જેમાં 10 લોકો માર્યા ગયા અને ઘણા લોકો ઘાયલ થયા. થોડા સમય પછી સમાચાર આવ્યા કે તોફાનીઓએ ગિલગિટ બાલ્ટિસ્તાનમાં યુએન ઓફિસને આગ લગાવી દીધી છે.
