ગુરુ ગ્રંથ સાહેબના ગુરુવાણીના નિરંતર અખંડ પાઠ કરવામાં આવ્યા હતા…
વડોદરાના ખંડેરાવ માર્કેટ ખાતે આવેલ ગુરુદ્વારા નાનકવાડી ખાતે ગુરુ નાનક દેવજીના 556મા જન્મજયંતીની ભવ્ય ઉજવણી કરવામાં આવી હતી.ઐતિહાસિક ગુરુદ્વારા નાનક વાડી ખાતે તમામ ગુરુદ્વારાના પ્રબંધક કમિટીઓ તથા ગુરુનાનક સેવા સાદ સંગાથ દ્વારા ધર્મ પ્રેમી નગરજનો ના સાથ સહકારથી શ્રદ્ધાપૂર્વક ભવ્ય ઉજવણી કરવામાં આવી. શ્રી ગુરુનાનક દેવજીના 556 ની જન્મ જયંતી નિમિત્તે ગુરુદ્વારા નાનકવાડી ખાતે શ્રી ગુરુ ગ્રંથ સાહેબના ગુરુવાણી ના નિરંતર અખંડ પાઠ કરવામાં આવ્યા હતા જ્યારે વહેલી સવારે સંગીત દ્વારા શહેરમાં પ્રભાતેરીઓ સાથે કીર્તન પણ કરવામાં આવ્યું હતું. અગાઉ ઐતિહાસિક ગુરુ દ્વારા નાનકવાડી ખંડેરાવ માર્કેટથી સુંદર પાલખીયાત્રા નું પણ આયોજન કરવામાં આવ્યું હતું જેમાં શ્રી ગુરુ ગ્રંથ સાહેબજી ની સવારી સાથે પાંચ પ્યારાઓ નિશાન સાહેબ સુંદર ગાડીમાં ગુરુવાણી ના મનમોહન કીર્તન સાથે મોટી સંખ્યામાં ભાવિક ભક્તો જોડાયા હતા. શ્રી ગુરુ નાનક દેવજીના 556માં જન્મજયંતી નિમિત્તે ગુરુદ્વારા નાનકવાડી ખાતે ધાર્મિક તેમજ સામાજિક કાર્યક્રમનું આયોજન કરવામાં આવ્યું હતું સાથે જ લંગરનુ પણ આયોજન કરવામાં આવ્યું હતું.
