મેલબોર્ન: એક મક્કમ બાબર આઝમ (Babar Azam) પાકિસ્તાન (Pakistan) ક્રિકેટના હોલ ઓફ ફેમમાં મહાન ઈમરાન ખાનની બાજુમાં પોતાની સીટ સુરક્ષિત કરવાનું લક્ષ્ય રાખશે જ્યારે તેની ટીમ રવિવારે અહીં ટી-20 વર્લ્ડ કપની (T-20 World Cup) ફાઇનલમાં (Final) અજેય ઇંગ્લેન્ડ સામે ટકરાશે.2009ના ચેમ્પિયનનો ફાઇનલમાં પ્રવેશ પણ હોલિવુડની રોમાંચક સ્ક્રિપ્ટને ફીકી પાડી શકે છે કારણ કે તેઓ ટુર્નામેન્ટના પ્રથમ સપ્તાહમાં કટ્ટર હરીફ ભારત અને ઝિમ્બાબ્વે સામેની મનોબળને તોડી નાખનારી હાર સાથે હતોત્સાહિત થયા હતા.પાકિસ્તાને ટુર્નામેન્ટના બીજા સપ્તાહમાં દક્ષિણ આફ્રિકા સામેની જીત અને ભાગ્ય તેમનો સાથ આપે તે આશા સાથે નાટકીય પુનરાગમનની આશાઓ વધારી હતી.
1992ની જેમ જ ચમત્કાર થયો: પાકિસ્તાનની સેમિફાઇનલની સીટ પાક્કી થઈ હતી.
1992ની જેમ જ ચમત્કાર થયો જ્યારે નેધરલેન્ડ્સે દક્ષિણ આફ્રિકાને આંચકો આપતા તેને હરાવ્યું હતું અને જે બહાર થવાની આરે હતું તે પાકિસ્તાનની સેમિફાઇનલની સીટ પાક્કી થઈ હતી.જો કે આ વર્તમાન અંગ્રેજી ટીમ પણ ઓસ્ટ્રેલિયાની ધરતી પર ઇતિહાસ લખવા માગે છે.વર્ષ 2015માં બાંગ્લાદેશ દ્વારા ગ્રુપ લીગ સ્ટેજમાં સ્પર્ધામાંથી બહાર કરવામાં આવ્યા બાદ ઈંગ્લેન્ડ ક્રિકેટ બોર્ડ દ્વારા સફેદ બોલ ક્રિકેટમાં મોટાપાયે પરિવર્તનની શરૂઆત કરાઈ જેના કારણે ઈંગ્લિશ ખેલાડીઓની માનસિકતા અને ઈરાદામાં મોટો ફેરફાર થયો. તે નિર્ભય અભિગમ ગુરુવારે ભારત સામે દેખાયો હતો.
વરસાદને કારણે વિક્ષેપિત થઈ શકે છે
શાહીન શાહ આફ્રિદી, મોહમ્મદ વસીમ જુનિયર અને હેરિસ રૌફે જો જોસ બટલર, એલેક્સ હેલ્સ, બેન સ્ટોક્સ અને મોઈન અલી જેવા ખેલાડીઓને કાબૂમાં રાખવા હોય તો માત્ર પ્રેરણાથી કામ નહીં ચાલે.આ બધા 80,000 જેટલા પાકિસ્તાની પ્રશંસકોને ચૂપ કરવાની ક્ષમતા ધરાવે છે.મોટી મેચો હંમેશા મોટા પર્ફોર્મરને કેન્દ્રમાં લાવે છે અને સ્ટોક્સને ચાંદીની ટ્રોફી જીતવા તેના 2019 લોર્ડના પ્રદર્શનનું પુનરાવર્તન કરવામાં કોઈ વાંધો નથી.જો કે હવામાનની આગાહી એવી આગાહી કરે છે કે ફાઇનલ રવિવાર અને રિઝર્વ ડે, જે સોમવાર છે, બંને વરસાદને કારણે વિક્ષેપિત થઈ શકે છે.સામાન્ય ટી-20 મેચ ઓછામાં ઓછી પાંચ-ઓવરની હોઈ શકે છે પણ ફાઈનલ માટે ઓછામાં ઓછી 10-ઓવરની જોગવાઈઓ રાખવામાં આવી છે. સાથે જ રીઝર્વ ડે (સોમવારે) પર મેચ વહેલી ભારતીય સમયાનુસાર સવારે 9.30 વાગે શરૂ કરવામાં આવશે.
