દાહોદ, તા.૫
જિલ્લામાં ગુજરાત વહીવટી સેવા,વર્ગ ૧, મુલ્કી સેવા,વર્ગ ૧/૨ તથા નગરપાલીકા મુખ્ય અધિકારી વર્ગ ૨ની પ્રિલિમરી પરીક્ષાના સુચારુ આયોજનને લઈને સમિતિની બેઠક યોજાઈ. જિલ્લામાં તા.૦૭મી જાન્યુઆરી ૨૪ના રોજ સવારે ૧૦ થી બપોરે ૦૧ તથા સાંજે ૩ થી ૬ કલાકે યોજાનાર પરીક્ષામાં કુલ ૨૦ પરીક્ષા કેન્દ્રો અને ૨૩૯ બ્લોક પર કુલ ૫૭૩૪ ઉમેદવારો પરીક્ષામાં બેસશે. રાજ્યમાં આગામી તા.૦૭મી જાન્યુઆરી ૨૦૨૪ ના રોજ સવારે ૧૦ થી બપોરે ૦૧ તથા સાંજે ૩ થી ૬ કલાકે ગુજરાત વહીવટી સેવા,વર્ગ ૧, મુલ્કી સેવા,વર્ગ ૧/૨ તથા ગુજરાત નગરપાલીકા મુખ્ય અધિકારી સેવા, વર્ગ ૨ની પ્રિલિમરી પરીક્ષા યોજાશે.જિલ્લા કલેકટરશ્રી ડો હર્ષિત ગોસાવીના અધ્યક્ષસ્થાને દાહોદ,કલેક્ટર કચેરી,સભાખંડ ખાતે સબંધિત અધિકારીગણ સાથે પરીક્ષા સમિતિની બેઠક યોજાઈ હતી.
