Health

ઓમિક્રોન પર કાબુ મેળવવા UKની આ કંપની વિકસાવી રહી છે બુસ્ટર ડોઝ, આટલા સમયમાં તૈયાર થશે

કોરોનાના નવા વેરિએન્ટ ઓમિક્રોન વાયરસના લીધે વિશ્વભરમાં હાહાકાર મચી ગયો છે. અત્યંત ચેપી એવા આ વેરિયેન્ટના લીધે વિશ્વના અનેક દેશોમાં આંતરરાષ્ટ્રીય ઉડાનો પર પ્રતિબંધ મુકી દેવામાં આવ્યો છે. આ વેરિયેન્ટના લક્ષણો સામાન્ય હોવાનું પરંતુ તે ખૂબ જ મોટી સંખ્યામાં માનવસમૂહને સંક્રમિત કરી શકે છે. એટલું જ નહીં નિષ્ણાતોના મતે હાલની વેક્સીન અને બૂસ્ટર ડોઝ પણ આ ઓમિક્રોન વાયરસ પર અસરકારક નથી, ત્યારે વૈજ્ઞાનિકો ઓમિક્રોનની ઘાતકતા ઓછી કરી શકે તેવી રસી વિકસાવવાનું કાર્ય શરૂ કરી દીધું છે અને આગામી બે અઠવાડિયામાં બજારમાં ઓમિક્રોન વિરોધી વેક્સીન આવી જાય તેવો દાવો એક કંપની દ્વારા કરાયો છે.

મોડર્ના (Moderna) કંપનીના ચીફ મેડિકલ ઓફિસર પોલ બર્ટને (Paul Burton) જણાવ્યું કે ‘ કંપની 2022ની શરૂઆતમાં પહેલા ઓમિક્રોનની (Omicron) રિફોર્મ્યુલેટેડ (reformulated)  રસી તૈયાર કરવામાં આવી શકે છે. મોડર્નાના ચીફ મેડિકલ ઓફિસર પોલ બર્ટને જણાવ્યું હતું કે દવા બનાવતી કંપની 2022 પહેલા નવા શોધાયેલા ઓમિક્રોન કોરોના વેરિયન્ટથી (Omicron corona variant) રક્ષણ આપતી રસી તૈયાર કરવામાં આવી શકે છે. પરંતુ તેઓ હજી પણ અસ્પષ્ટ છે કે કોવિડ-19 (covid-19) માટે કયા ફોર્મ્યુલેશનની જરૂર પડી શકે છે. 

બર્ટને રસી અંગે જણાવ્યું કે નવા વેરિયન્ટ સામે રક્ષણ મેળવવા માટે રસીની ક્ષમતા અંગે આવતા બે અઠવાડિયામાં માહિતી પ્રાપ્ત થશે.  WHO વિશ્વ સ્વાસ્થ સંગઠન દ્વારા જણાવામાં હતું કે તે હજી પણ શોધી  રહ્યું છે કે દક્ષિણ આફ્રિકામાંથી મળેલો નવો ઓમિક્રોન વેરિયન્ટ વર્તમાનમાં રસી પર શું અસર કરે છે.  એક ન્યૂઝ ચેનલના શોમાં  ‘એન્ડર્યુ મેર શો’ બર્ટને જણાવ્યું હતું કે ‘આપણે વર્તમાન રસીની  ક્ષમતા વિશે જાણવું જોઈએ જે આપણને આગામી બે  અઠવાડિયામાં સુરક્ષા પ્રદાન કરી શકે છે. પરંતુ mRNA રસીઓ, મોડર્ના પ્લેટફોર્મ વિશે નોંધપાત્ર બાબત એ છે કે આપણે ખૂબ જ ઝડપથી આગળ વધી શકીએ છીએ.’
 
WHO દ્વારા નવા B.1.1.529 વેરિઅન્ટને શુક્રવારે "ચિંતાનો પ્રકાર" (variant of concern) તરીકે નિયુક્ત કરવામાં આવ્યો હતો. હવે, ઑસ્ટ્રેલિયા, ઇઝરાયેલ અને નેધરલેન્ડ્સ સહિત અનેક દેશોમાંથી આવતા કેટલાક પ્રવાસીઓમાં તાણ જોવા મળી રહ્યો છે. વેરિઅન્ટમાં સ્પાઇક પ્રોટીનમાં ઓછામાં ઓછા 30 મ્યુટેશન (mutation) હોવાનું જાણવા મળે છે જે કોરોનાવાયરસને શરીરમાં પ્રવેશવા દે છે. અધિકારીઓએ ચેતવણી આપી છે કે આમાંના ઘણા પરિવર્તનો એન્ટીબોડી પ્રતિકારમાં વધારો કરી શકે છે અને ટ્રાન્સમિસિબિલિટી પણ કરી શકે છે. મતલબ કે ઓમેિક્રોન વ્યક્તિગત રીતે સ્વરૂપ બદલી રહ્યો છે. ઉપલ્બધ માહિતી અનુસાર એમ કહી શકાય કે ઓમિક્રોન અંગે કોઈ વિસ્તુત માહિતી મળી નથી. અને વર્તમાનમાં  કોરોના વાયરસ રસીની અસરકારકતા હજુ સુધી અસ્પષ્ટ છે. 

બર્ટના નિવેદન પછી મોડર્નાએ સત્તાવાર પ્રેસ રિલીઝમાં જાહેરાત કરી કે તે SARS-CoV-2 ના ઓમિક્રોન વેરિઅન્ટ સાથે રક્ષણ માટે બૂસ્ટર શોટ્સ વિકસાવશે. મોડર્નાએ કહ્યું, “અધિકૃત રસીનો બૂસ્ટર ડોઝ ઘટતી રોગપ્રતિકારક શક્તિને વધારવા માટે હાલમાં ઉપલબ્ધ એકમાત્ર વ્યૂહરચના દર્શાવે છે. મોડર્ના કોવિડ-19 રસી (mRNA-1273) 50 µg ડોઝ સ્તરે ઘણા લોકો માટે બૂસ્ટર તરીકે ઉપયોગી નીવડશે. કંપની ઓમિક્રોન વેરિઅન્ટથી રક્ષણ મેળવવા માટે  વર્તમાન રસીના ડોઝની ક્ષમતાને ચકાસવા માટે ઝડપથી કામ કરી રહી છે અને આવનારા અઠવાડિયામાં માહિતી આપવમાં આવી શકે છે.”

Most Popular

To Top