મુંબઈ: ટીવી જગતની સૌથી લોકપ્રિય સિરિયલ ‘તારક મહેતા કા ઉલ્ટા ચશ્મા’ને (TMKOC) હવે નવા દયાબેન (DayaBen) મળી ગયા છે. ઘણા દિવસોથી એવી અટકળો ચાલી રહી હતી કે દિશા વાકાણી (Disha Vakani) શોમાં એન્ટ્રી કરવા જઈ રહી છે. પરંતુ હવે સ્પષ્ટ થયું છે કે દિશા વાકાણી શોમાં પાછી ફરી રહી નથી, પરંતુ ‘તારક મહેતા’માં દયાબેનના રોલ માટે નવી અભિનેત્રીને સામેલ કરવામાં આવી. આ પહેલા શોમાં દિશા વાકાણી દયાબેનનો રોલ કરી રહી હતી. પરંતુ હવે દર્શકોને શોમાં નવા દયાબેન જોવા મળી શકે છે.
નવા દયાબેન મળ્યા!
‘તારક મહેતા કા ઉલ્ટા ચશ્મા’ સૌથી લોકપ્રિય ટેલિવિઝન શોમાંથી એક છે. શોના દરેક પાત્રને લોકોના દિલમાં ખાસ જગ્યા બનાવી દીધી છે. દયાબેનનું પાત્ર પણ આ મહત્ત્વના પાત્રોમાંનું એક છે. શોમાં આ પહેલા દયાબેનું પાત્ર દિશા વાકાણી કરી હતી. પરંતુ 4 વર્ષથી દયાબેન શોમાંથી ગાયબ રહ્યા છે. નિર્દેશક અને શોના બાકી મેમ્બર દ્વારા તેમને પરત શોમાં લાવવાના પ્રયત્ન કર્યા હતા. જો કે હવે દયાબેનના પાત્ર માટે નવા એક્ટર મળી ગયા છે જેથી લાગી રહ્યું છે કે દયાબેનનું પાત્ર ભજવનાર દિશા વાકાણી પરત શોમાં ફરશે નહીં. તમને જણાવી દઈએ કે ટીવી અભિનેત્રી કાજલ પિસલ ‘તારક મહેતા’માં નવી દયાબેન તરીકે એન્ટ્રી લેવા જઈ રહી છે.
માહિતી અનુસાર કાજલ પિસાલને દયાબેનના રોલ માટે ફાઈનલ કરવામાં આવી છે. કાજલ પિસાલ પહેલા પણ ઘણી અભિનેત્રીઓના નામ સામે આવ્યા હતા, પરંતુ હજુ સુધી કોઈના નામ પર મહોર લાગી નથી. ત્યારે ફરી એકવાર એવી ચર્ચા થઈ રહી છે કે કાજલ પિસાલ ‘તારક મહેતા’માં દયાબેનનું પાત્ર ભજવતી જોવા મળશે. જો કે અભિનેત્રી દ્વારા હજુ સુધી આ અંગે કોઈ ટિપ્પણી કરવામાં આવી નથી. તેમજ પ્રોડક્શન હાઉસે કાજલ પિસાલના નામે કંઈ કહ્યું નથી.
કાજલ પિસાલ એક જાણીતી ટેલિવિઝન અભિનેત્રી છે. કાજલ બડે અચ્છે લગતે હૈ, નાગિન 5 અને સાથ નિભયા સાથિયા જેવા શોમાં જોવા મળી હતી. કાજલ પિસાલ છેલ્લે માત્ર તુમ સિરિયલમાં જોવા મળી હતી. થોડા દિવસો પહેલા, શોના નિર્માતા અસિત મોદીએ કહ્યું હતું કે તારક મહેતા શો ચાલુ રહેશે.
નવા લોકો આવશે તો પણ આપણે ખુશ થઈશું અને જૂના લોકો આવશે તો પણ ખુશ છીએ. એવું કહેવામાં આવી રહ્યું છે કે કાજલ આવતા મહિનાથી ‘તારક મહેતા’નું શૂટિંગ પણ શરૂ કરી શકે છે. દિશા વાકાણીએ પોતાના અભિનયથી દયાબેનના પાત્રને ઘર-ઘર લોકપ્રિય બનાવ્યું છે. હવે એ જોવાનું રસપ્રદ રહેશે કે કાજલ પિસલ દર્શકોની અપેક્ષાઓ પર કેટલી ખરી ઉતરે છે.
