મોરબી: ગુજરાતના મોરબી(Morbi) જિલ્લામાં મચ્છુ નદી(Machhu river) પરનો લટકતો પુલ(Bridge) તૂટી પડ્યો (Collapse) અને ઘણા લોકો માટે કાળ બની ગયો. મોરબીનું ગૌરવ કહેવાતો કેબલ બ્રિજ 143 વર્ષ જૂનો હતો જે 30 ઓક્ટોબર 2022 રવિવારના રોજ અકસ્માતનો ભોગ બન્યો હતો. મળતી માહિતી મુજબ મોરબી બ્રિજ આઝાદી પહેલા અંગ્રેજોના શાસન દરમિયાન બનાવવામાં આવ્યો હતો. મચ્છુ નદી પર બનેલો આ પુલ મોરબીનું મુખ્ય પ્રવાસન સ્થળ હતું.
મોરબીનો કેબલ બ્રિજ ક્યારે બંધાયો?
કેબલ બ્રિજ (સ્વિંગિંગ બ્રિજ) મોરબીના રાજા વાઘજી રાવ દ્વારા બનાવવામાં આવ્યો હતો. જેનું ઉદ્ઘાટન 1879માં થયું હતું. બ્રિટિશ એન્જિનિયરો દ્વારા બનાવવામાં આવેલા આ પુલના નિર્માણમાં લેટેસ્ટ ટેક્નોલોજીનો ઉપયોગ કરવામાં આવ્યો હતો. બ્રિટિશ શાસનમાં બનેલો આ પુલ સારી એન્જિનિયરિંગનું પ્રતિક રહ્યો છે. રાજકોટ જિલ્લાથી 64 કિલોમીટર દૂર મચ્છુ નદી પર બનેલો આ પુલ લોકો માટે આકર્ષણનું કેન્દ્ર બન્યો હતો. 765 ફૂટ લાંબો અને 4 ફૂટ પહોળો આ બ્રિજ ઐતિહાસિક હોવાને કારણે ગુજરાત પ્રવાસનની યાદીમાં પણ સામેલ થયો હતો.
મોરબી બ્રિજ એન્જિનિયરિંગનું જીવતું-જાગતું ઉદાહરણ
બ્રિટિશ એન્જિનિયરો દ્વારા બનાવવામાં આવેલ આ બ્રિજ અદ્યતન એન્જિનિયરિંગનું જીવંત ઉદાહરણ માનવામાં આવતું હતું. જણાવી દઈએ કે ગુજરાત રાજ્યનો મોરબી જિલ્લો મચ્છુ નદીના કિનારે આવેલો છે. આ જ નદી પર મોરબી કેબલ બ્રિજ બનાવવામાં આવ્યો હતો. આ પુલ મોરબીના રાજા પ્રજાવત્સલ્ય વાઘજી ઠાકોરના રજવાડા દરમિયાન બાંધવામાં આવ્યો હતો. એવું કહેવાય છે કે રાજા મહેલમાંથી મોરબી બ્રિજ થઈને રાજદરબારમાં જતા હતા.
સમારકામ બાદ પુલ ફરીથી ખુલ્લો મુકાયો
બ્રિજની જાળવણીની જવાબદારી ઓરેવા ગ્રુપની છે. આ જૂથે માર્ચ 2022 થી માર્ચ 2037 સુધી 15 વર્ષ માટે મોરબી નગરપાલિકા સાથે કરાર કર્યો છે. આ બ્રિજ 5 દિવસ પહેલા સમારકામ બાદ લોકો માટે ખુલ્લો મુકાયો હતો. કહેવામાં આવી રહ્યું છે કે બ્રિજ પર ક્ષમતા કરતા વધારે લોકો હાજર હતા જેના કારણે આ દુર્ઘટના બની હતી.
મોરબી બ્રિજ ક્યારે અને કેવી રીતે તૂટ્યો?
મોરબી બ્રિજ અકસ્માતે લોકોની રજાના આનંદને પળવારમાં શોકમાં ફેરવી દીધો હતો. મોરબી બ્રિજ અકસ્માત 30 ઓક્ટોબર, રવિવારની સાંજે બન્યો હતો જ્યારે બ્રિજ પર લગભગ પાંચસો લોકો હાજર હતા. નદી પર બનેલા આ કેબલ બ્રિજ દુર્ઘટનામાં અત્યાર સુધીમાં 140 થી વધુ લોકોના મોત થયા છે, જ્યારે ઘણા લોકો હજુ પણ લાપતા છે, જેના માટે સર્ચ ઓપરેશન ચાલી રહ્યું છે. તે જ સમયે, ડઝનેક ઘાયલ લોકોને હોસ્પિટલમાં દાખલ કરવામાં આવ્યા છે. એક જ ઝાટકે વાયરો પર બાંધેલો મોરબીનો પુલ તૂટી ગયો અને અનેક ડઝન લોકો નીચે વહેતી નદીમાં પડ્યા.
અકસ્માત બાદ લોકોની ચિચિયારી ગુંજી
મોરબીનો પુલ પડતાની સાથે જ ઘટનાસ્થળે અંધાધૂંધી અને ચીસાચીસ મચી ગઈ હતી. મોરબીનો 143 વર્ષ જૂનો પુલ ધરાશાયી થયા બાદ રાતોરાત બચાવ કામગીરી હાથ ધરવામાં આવી હતી. એનડીઆરએફની ડઝનબંધ ટીમોએ રાતભર નદીમાં લોકોને શોધ્યા. અકસ્માતની તપાસ માટે 5 લોકોની SITની રચના કરવામાં આવી છે. 5 દિવસના સમારકામ બાદ બ્રિજ કેવી રીતે અકસ્માતનો શિકાર બન્યો અને તેના માટે જવાબદાર કોણ તે પ્રશ્ન છે.
