નવી દિલ્હી: ઇન્કમટેક્સની ટીમ દ્વારા આજે વહેલી સવારે મીડિયા સંસ્થા BBCની દિલ્હી અને મુંબઈ ઓફિસ પર દરોડા પાડવામાં આવ્યા છે. સૂત્રોના જણાવ્યા અનુસાર ઈન્ટરનેશનલ ટેક્સમાં ગેરરીતિઓને કારણે બીબીસી ઓફિસમાં આ આઈટી સર્ચ ચાલી રહ્યું છે. તમામ કર્મચારીઓના ફોન જપ્ત કરવામાં આવ્યા છે. કર્મચારીઓને ઓફિસ છોડીને ઘરે જવા માટે કહેવામાં આવ્યું છે. ઓફ્ટર નૂન સીફ્ટના લોકોને ઘરેથી કામ કરવા માટે કહેવામાં આવ્યું છે. લંડનમાં બીબીસી ઓફિસમાં દરોડા અંગે માહિતી આપવામાં આવી છે.
બીજી તરફ, વિપક્ષે આ કાર્યવાહીને ગુજરાત રમખાણો પરની બીબીસી ડોક્યુમેન્ટ્રી સાથે જોડી છે. બીજી તરફ ઈન્કમ ટેક્સના સૂત્રોએ જણાવ્યું કે આ ઈન્કમટેક્સ ટીમનો સર્વે છે. જો કે હજુ સુધી આવકવેરા વિભાગ દ્વારા આ અંગે કોઈ સત્તાવાર માહિતી આપવામાં આવી નથી.
દિલ્હીમાં કનોટ પ્લેસ પાસે કેજી માર્ગ પર હિન્દુસ્તાન ટાઈમ્સ બિલ્ડીંગમાં બીબીસીની ઓફિસ છે. દિલ્હી પોલીસની ટીમ પણ બિલ્ડિંગની બહાર હાજર છે. હાલમાં આવકવેરાની ટીમ બીબીસી ઓફિસની અંદર હાજર છે અને દરોડા ચાલુ છે. મળતી માહિતી મુજબ એકાઉન્ટ ઓફિસમાં રાખવામાં આવેલા કોમ્પ્યુટરના ડેટાની તપાસ કરવામાં આવી રહી છે. બીબીસીના કોઈપણ સ્ટાફને ઓફિસમાંથી બહાર જવાની પરવાનગી નથી. બીબીસીની કુલ ચાર ટીમો શોધી રહી છે. દરેક ટીમમાં 6 લોકો છે. કુલ 24 લોકોની ટીમ દરોડા પાડી રહી છે.
દિલ્હી-મુંબઈની BBC ઓફિસમાં આઈટીના દરોડા
આવકવેરાની આ કાર્યવાહી બીબીસીની દિલ્હી ઓફિસ જ નહીં પરંતુ મુંબઈની ઓફિસ સુધી પણ પહોંચી છે. બીબીસીની મુંબઈમાં બે ઓફિસ છે. એક બીકેસીમાં અને બીજી ખારમાં. આવકવેરા અધિકારીઓ BKC ઓફિસ પહોંચી ગયા છે. કર્મચારીઓને ઘરે જવા માટે કહેવામાં આવ્યું છે. દિલ્હીમાં બીબીસીની ઓફિસ બિલ્ડિંગના 5મા, 6ઠ્ઠા અને 11મા માળે છે, ત્રણેય માળ પર લગભગ 15-20 આઈટી અધિકારીઓ હાજર છે. ઓફિસની બહાર દિલ્હી પોલીસ તૈનાત કરવામાં આવી છે. બીજી તરફ ઈન્કમ ટેક્સના સૂત્રોએ જણાવ્યું કે આ ઈન્કમટેક્સ ટીમનો સર્વે છે.
કોંગ્રેસે આ કાર્યવાહીને અઘોષિત કટોકટી કહી
બીજી તરફ કોંગ્રેસે આઈટીની આ કાર્યવાહીને બીબીસી ડોક્યુમેન્ટ્રી પર પ્રતિબંધ સાથે જોડી દીધી છે. કોંગ્રેસે ટ્વીટ કરીને કહ્યું કે, પહેલા બીબીસી ડોક્યુમેન્ટ્રી આવી, તેના પર પ્રતિબંધ મુકવામાં આવ્યો. હવે ITએ BBC પર દરોડા પાડ્યા છે. બીજી તરફ કોંગ્રેસના નેતા જયરામ રમેશે પણ આ કાર્યવાહી અંગે નિવેદન આપ્યું છે. તેમણે કહ્યું, ‘ગૃહમંત્રીએ કહ્યું કે અદાણી કેસમાં સરકાર પાસે છુપાવવા માટે કંઈ નથી. તો પછી તમે જેપીસીની માંગથી કેમ ભાગી રહ્યા છો? અમને સંસદમાં આનો ઉલ્લેખ કરવાની પણ છૂટ નથી. અહીં અમે અદાણીના કેસમાં જેપીસીની માંગ કરી રહ્યા છીએ અને ત્યાં સરકાર બીબીસીની પાછળ છે. વિનાશકાળે વિપરીત બુદ્ધિ.
બીબીસીની ડોક્યુમેન્ટરીમાં શું છે મામલો?
તાજેતરમાં જ બીબીસીની એક ડોક્યુમેન્ટરી આવી હતી. આ ડોક્યુમેન્ટરી 2002ના ગુજરાત રમખાણો પર હતી. કેન્દ્ર સરકારે આ ડોક્યુમેન્ટ્રીને પ્રચાર ગણાવીને સ્ક્રીનીંગ પર પ્રતિબંધ મુકી દીધો હતો. ડોક્યુમેન્ટરીના સ્ક્રીનિંગને લઈને ઘણી યુનિવર્સિટીઓમાં હોબાળો થયો હતો. આ અંગે સુપ્રીમ કોર્ટમાં અરજીઓ પણ દાખલ કરવામાં આવી છે. આવી સ્થિતિમાં, વિપક્ષ આવકવેરા વિભાગના દરોડાને બીબીસીની ડોક્યુમેન્ટ્રી સાથે જોડીને કેન્દ્ર પર નિશાન સાધી રહ્યું છે.
બીબીસીનો ઈતિહાસ ભારતને કલંકિત કરવાવાળો છે – ભાજપ
ભાજપના નેતા ગૌરવ ભાટિયાએ કહ્યું, બીબીસીનો પ્રચાર અને કોંગ્રેસનો એજન્ડા સાથે મળીને કામ કરી રહ્યા છે. બીબીસીનો ઈતિહાસ ભારતને કલંકિત કરી રહ્યો છે. ઈન્દિરા ગાંધીએ બીબીસી પર પ્રતિબંધ મૂક્યો હતો. બીબીસીએ તેના રિપોર્ટિંગ દરમિયાન કાશ્મીરમાં આતંકવાદીને કરિશ્માયુક્ત યુવક ગણાવ્યો હતો. બીબીસીએ પણ હોળીના તહેવાર પર ટિપ્પણી કરી. આટલું જ નહીં બીબીસીએ મહાત્મા ગાંધી પર પણ પ્રતિકૂળ ટિપ્પણીઓ કરી હતી.
યુપીના પૂર્વ સીએમ અખિલેશે કાર્યવાહી પર શું કહ્યું?
યુપીના પૂર્વ સીએમ અને સમાજવાદી પાર્ટીના નેતા અખિલેશ યાદવે પણ બીબીસી પર થઈ રહેલી કાર્યવાહી અંગે ટ્વીટ કર્યું છે. અખિલેશે કહ્યું, બીબીસી પર દરોડાના સમાચાર વૈચારિક ઈમરજન્સીની ઘોષણા છે.
