સૈફ અલી ખાન અને રિતિક રોશન અભિનીત ‘વિક્રમ વેધા’માં ચંદાનું પાત્ર ભજવનાર અભિનેત્રી યોગિતા બિહાની હાલમાં વિક્રમ વેંધા ફિલ્મને લઈને ચર્ચામાં છે. તમને જણાવી દઈએ યોગિતા પહેલીવાર સલમાન ખાનનો શો ‘દસ કા દમ’માં તેનો ચહેરો લોકોની સામે આવ્યો હતો અને લાંબા સમય બાદ હવે તેણે મોટા પડદા પર પોતાની પ્રતિભા સ્થાપિત કરી છે જ્યારે અમે તેમની સાથે ઈન્ટરવ્યુ દરમિયાન વાતચીત કરી તો તેણે કેટલીક રસપ્રદ વાતો શેર કરી હતી. .
શું તમને લાગે છે કે ‘વિક્રમ વેધા’ એ તમારા માટે બોલિવૂડમાં ઘણી તકો ખોલી છે?
વિક્રમ વેધા પહેલા મેં બીજી ફિલ્મ કરી હતી. ત્યારથી મારા માટે બોલિવૂડમાં દરવાજા ખુલી ગયા હતા. પરંતુ જ્યારે મેં વિક્રમ વેંધા કરી ત્યારે દરેક સીન જેમાં મારું પાત્ર ચંદાનું છે. તે વાસ્તવિક જીવનમાં આપણા કરતાં અલગ લાગણી સાથે આવે છે. મિત્રો સાથે વાતચીત કરવી અથવા કોઈ બીજા સાથે વાત કરે છે . ત્યારે તેમની લાગણી અલગ દેખાય છે, મને ચંદાનું પાત્ર કરવાનું મળ્યું તેથી હું ખુબજ ખુશ છું . ચંદાનું પાત્ર તમને વિચારવા મજબૂર કરે છે. અને મારો અનુભવ મહાન રહ્યો છે!
‘દસ કા દમ’માં સલમાન ખાન સાથે પહેલીવાર તમારો ચહેરો લોકોની સામે આવ્યો, આટલા વર્ષોની મહેનત, જોશ અને દ્રઢ નિશ્ચયથી તમે આ સ્થાને પહોંચ્યા છો, હવે તમને સફળતાનો અનુભવ થાય છે. તમે ઈચ્છો છો. શું તમને એવી સફળતા મળી રહી છે?
હું ખાલી હાથે બોલીવુડમાં આવી હતી. હવે મારી પાસે ઘણું છે. મને ખબર નથી કે સફળતા શું છે. મેં ‘દસ કા દમ’ પછી ઘણું કર્યું છે. અને જ્યારે હું નવું કામ કરું છું, ત્યારે મને ખ્યાલ આવે છે કે હું તે પણ કરી શકું છું. અને હું જાણું છું કે હું ઘણું બધું કરી શકું છું. જ્યારે હું આ તબક્કે પહોંચી છું, ત્યારે મને લાગે છે કે હું ભવિષ્યમાં વધુ સારું કામ કરી શકીશ!
તમે બોલિવૂડમાં પ્રવેશ્યા પહેલા તમારી જીવનશૈલી કેવી હતી અને હવે તમારું જીવન કેવી રીતે બદલાઈ ગયું છે?
બોલિવૂડમાં આવતા પહેલા હું જોબ કરતી હતી. સોમવારથી શુક્રવાર જોબ કરતી હતી. અને મને મારું કામ ખરેખર ગમ્યું. હું મારી ધૂનમાં રહેનારી છોકરી છું અને અભિનેત્રી બન્યા પછી પણ મારામાં કોઈ બદલાવ આવ્યો નથી. હું પહેલા જેવી હતી તેવી જ આજે પણ છું!
આગામી બે વર્ષમાં તમે તમારી જાતને ક્યાં જોવા માંગો છો?
હું મારી જાતને ખૂબ જ સારા પ્રોજેક્ટમાં જોવા માંગુ છું. મારે સારા પાત્રો કરવા છે. અને હું દર્શકોનું મનોરંજન કરવા માંગુ છું. હું સારા દિગ્દર્શકો અને અભિનેતાઓ સાથે કામ કરવા માંગુ છું. અને મારું જીવન મને ક્યાં લઈ જશે, મને ખબર નથી. મને ખબર પણ નહોતી કે હું ‘વિક્રમ વેધા’માં કામ કરીશ. તેથી જ મારું જીવન મને આગળ કઈ તરફ લઈ જશે, મને ખબર નથી! •
