ભારતના રાષ્ટ્રીય સુરક્ષા સલાહકાર Ajit Dovalએ અમેરિકાના વિદેશ મંત્રી સાથે મહત્વપૂર્ણ ચર્ચા દરમિયાન પાકિસ્તાન પ્રોત્સાહિત આતંકવાદ મુદ્દે ભારતની ચિંતા સ્પષ્ટ શબ્દોમાં વ્યક્ત કરી છે. અહેવાલો અનુસાર ડોભાલે કહ્યું કે દક્ષિણ એશિયામાં શાંતિ અને સ્થિરતા જાળવવા માટે આતંકવાદ સામે સતત “એક્શન મોડ”માં રહેવું અત્યંત જરૂરી છે.
માહિતી મુજબ આ ઉચ્ચસ્તરીય ચર્ચા દરમિયાન ભારતે પાકિસ્તાનની ભૂમિકા અંગે અમેરિકાને વિસ્તૃત માહિતી આપી હતી. Ajit Dovalએ જણાવ્યું કે સરહદ પારથી થતા આતંકવાદી પ્રવૃત્તિઓ ભારત માટે સતત સુરક્ષા પડકાર ઊભો કરી રહી છે અને આ પ્રકારની પ્રવૃત્તિઓને રોકવા માટે વૈશ્વિક સહકાર જરૂરી છે.ચર્ચા દરમિયાન ભારતે ખાસ કરીને પાકિસ્તાનની જમીન પરથી કાર્યરત આતંકવાદી સંગઠનો અને તેમની પ્રવૃત્તિઓનો મુદ્દો ઉઠાવ્યો હતો. ભારતનું કહેવું છે કે પાકિસ્તાન હજુ પણ કેટલાક આતંકી ગઠનો સામે પૂરતી, કડક કાર્યવાહી કરવામાં નિષ્ફળ રહ્યું છે. જેના કારણે પ્રદેશમાં અસ્થિરતા વધી રહી છે.
અમેરિકા અને ભારત વચ્ચે થયેલી આ ચર્ચા એવા સમયે થઈ છે જ્યારે મધ્યપૂર્વ અને દક્ષિણ એશિયામાં સુરક્ષા સંબંધિત પડકારો વધી રહ્યા છે. બંને દેશોએ આતંકવાદ સામે માહિતી વહેંચણી, સુરક્ષા સહયોગ અને સ્ટ્રેટેજિક ભાગીદારી વધુ મજબૂત બનાવવા પર ભાર મૂક્યો હતો.
સૂત્રોના જણાવ્યા મુજબ Ajit Dovalએ અમેરિકી પક્ષને કહ્યું કે ભારત હવે આતંકવાદ સામે “ઝીરો ટોલરન્સ”ની નીતિ પર કામ કરી રહ્યું છે અને કોઈપણ ખતરા સામે ઝડપી કાર્યવાહી કરવા માટે સજ્જ છે. તેમણે સ્પષ્ટ કર્યું કે આતંકવાદને પ્રાદેશિક સમસ્યા તરીકે નહીં પરંતુ વૈશ્વિક સુરક્ષા માટેનો મોટો ખતરો માનવો જોઈએ.મહત્વ નું છે કે ભારતે અમેરિકાને જણાવ્યું કે પાકિસ્તાન તરફથી વારંવાર શાંતિની વાત કરવામાં આવે છે, પરંતુ જમીન પરની હકીકત અલગ છે. સરહદ પારથી ઘુસણ ખોરી, ડ્રોન મારફતે હથિયારોની હેરાફેરી અને આતંકી ગતિવિધિઓ હજુ પણ ચિંતાનો વિષય છે.
વિદેશ નીતિના નિષ્ણાતોનું માનવું છે કે ભારત અને અમેરિકા વચ્ચે વધતો સુરક્ષા સહકાર દક્ષિણ એશિયામાં વ્યૂહાત્મક સંતુલન માટે મહત્વપૂર્ણ બની રહ્યો છે. છેલ્લા કેટલાક વર્ષોમાં બંને દેશોએ ઈન્ડો-પેસિફિક સુરક્ષા, આતંકવાદ વિરોધી કામગીરી અને ગુપ્તચર માહિતી વહેંચણી જેવા મુદ્દાઓ પર નજીકથી કામ કર્યું છે.આ બેઠક દરમિયાન બંને દેશોએ આતંકવાદ વિરુદ્ધ વૈશ્વિક સ્તરે વધુ કડક અને સંકલિત કાર્યવાહી કરવાની જરૂરિયાત પર પણ સહમતિ વ્યક્ત કરી હતી. અમેરિકી અધિકારીઓએ ભારતની સુરક્ષા ચિંતાઓને ગંભીરતાથી સાંભળ્યાનું જણાવાયું છે.
રાજકીય વિશ્લેષકોનું કહેવું છે કે Ajit Dovalનું આ નિવેદન માત્ર રાજદ્વારી સંદેશ નથી, પરંતુ પાકિસ્તાનને આપેલી કડક ચેતવણી પણ માનવામાં આવી રહી છે. ભારત હવે આતંકવાદના મુદ્દે વધુ આક્રમક રાજનૈતિક અને સુરક્ષા વ્યૂહરચના અપનાવી રહ્યું છે.ભારત અને અમેરિકાની આ ચર્ચા બાદ દક્ષિણ એશિયાની સુરક્ષા પરિસ્થિતિ ફરી એકવાર આંતરરાષ્ટ્રીય સ્તરે ચર્ચાનું કેન્દ્ર બની છે. આગામી દિવસોમાં બંને દેશો વચ્ચે આતંકવાદ વિરોધી સહકાર વધુ મજબૂત બનવાની શક્યતા વ્યક્ત કરવામાં આવી રહી છે.
