બિહાર: બિહારના (Bihar) લખીસરાય જિલ્લામાં (Lakhisarai District) એક ભયાનક માર્ગ અકસ્માતમાં (Accident) નવ લોકોના મોત (Death) થયા છે. જ્યારે પાંચ લોકો ગંભીર રીતે ઘાયલ (Wounded) થયા છે. આ ઘટના લખીસરાયના રામગઢ પોલીસ સ્ટેશન ચોક વિસ્તાર હેઠળના ઝાલૌના (Zalouna) ગામ પાસે નેશનલ હાઈવે પર બની હતી.
મળતી માહિતી મુજબ લખીસરાય સિકંદરા મુખ્ય માર્ગ પર એક ટ્રક અને ઓટો રિક્ષા વચ્ચે જોરદાર ટક્કર થઈ હતી. ટક્કર એટલી ભયંકર હતી કે ઓટો રિક્ષાના ટુકડા થઈ ગયા હતા. તેમજ ઓટો રિક્ષામાં કુલ 14 લોકો મુસાફરી કરી રહ્યા હતા. જેમાંથી 8 લોકોના ઘટનાસ્થળે જ મોત થયા હતા. જ્યારે એક વ્યક્તિનું સારવાર દરમિયાન મોત થયું હતું. બાકીના ગંભીર રીતે ઘાયલ લોકોની સારવાર ચાલી રહી છે અને તેમની હાલત ગંભીર હોવાનું કહેવાય છે.
ટ્રક અને ઓટો રિક્ષા વચ્ચે અથડામણમાં 9ના જીવ ગયા
ઘટનાસ્થળે હાજર એક પ્રત્યક્ષદર્શી અનિલ મિસરીએ જણાવ્યું કે અકસ્માતમાં મૃત્યુ પામેલા અમારા સંબંધી મનોજ કુમારે ઓટો ડ્રાઈવરને કહ્યું હતું કે કેટલાક લોકોને હલસીથી લખીસરાય લાવવાના છે. ઓટોમાં મુસાફરી કરી રહેલા લોકોને લોકર ડ્રાઈવર હલસીથી લખીસરાઈ લઈ રહ્યો હતો. આ દરમિયાન રામગઢ ચોક પોલીસ સ્ટેશન વિસ્તારના ઝાલૌના ગામ પાસે એક ટ્રકે ઓટો રિક્ષાને ટક્કર મારી હતી.
આ અકસ્માતમાં ઓટોમાં મુસાફરી કરી રહેલા તમામ 14 લોકો ઘાયલ થયા હતા. જેમાંથી 8 લોકોના ઘટનાસ્થળે જ મોત થયા હતા. બાકીના છ લોકોને સદર હોસ્પિટલમાં દાખલ કરવામાં આવ્યા હતા. જ્યાં સારવાર દરમિયાન એક વ્યક્તિનું મોત થયું હતું.
મૃત્યુઆંક વધી શકે છે
આ માર્ગ અકસ્માતમાં ગંભીર રીતે ઘાયલ થયેલા લોકોને પીએમસીએચ પટનામાં રિફર કરવામાં આવ્યા છે. જ્યાં દરેકની હાલત અત્યંત નાજુક છે. જેના કારણે મૃત્યુઆંક વધવાની શક્યતા છે. આ ઘટના અંગે શહેર પોલીસ સ્ટેશનના ઈન્ચાર્જ કમ ઈન્સ્પેક્ટર અમિત કુમારે જણાવ્યું કે આ ઘટના ઝુલના ગામ પાસે બની હતી. ઓટોમાં મુસાફરી કરી રહેલા તમામ લોકો હલસીથી લખીસરાઈ આવી રહ્યા હતા. તેમજ લોકો હલસીથી લખીસરાય શા માટે આવી રહ્યા હતા. તેની માહિતી મળી શકી નથી.
આમાંથી એક મૃતક મુંગેર જિલ્લાનો રહેવાસી હોવાનું કહેવાય છે જ્યારે બીજો લખીસરાયનો રહેવાસી હોવાનું કહેવાય છે. હાલ મૃતકોના તમામ સંબંધીઓને જાણ કરવામાં આવી છે. મૃતકના સ્વજનો આવ્યા બાદ જ આ લોકો હાલસીથી ક્યાં જતા હતા તે બાબત બહાર આવશે.
