ઈસ્લામાબાદ: પાકિસ્તાનમાં (Pakistan) નવી સરકારનું સસ્પેન્સ સમાપ્ત થઈ ગયું છે. 12 દિવસ પછી નવાઝ શરીફની પાર્ટી પાકિસ્તાન મુસ્લિમ લીગ-નવાઝ (PML-N) અને બિલાવત ભુટ્ટોની (Bilawat Bhutto) પાકિસ્તાન પીપલ્સ પાર્ટી (PPP) વચ્ચેના જોડાણની ફોર્મ્યુલાને આખરે મંજૂરી મળી ગઈ છે. બંને પક્ષો વચ્ચે લાંબા સમયથી વાતચીત ચાલી રહી હતી. મંગળવારે મોડી રાત્રે બંને પક્ષોના હાઈકમાન્ડે (High Command) ગઠબંધનમાં સરકાર બનાવવાની જાહેરાત (Advertisement) કરી દીધી છે.
પીપીપીના અધ્યક્ષ બિલાવલ ભુટ્ટો ઝરદારીએ જાહેરાત કરી હતી કે 72 વર્ષીય શહેબાઝ શરીફ પીએમએલ-એનમાંથી એકવાર વડાપ્રધાન બનશે. બંને પક્ષો ગઠબંધન સરકાર બનાવવા માટે તૈયાર છે. પત્રકારો સાથે વાત કરતા બિલાવલે કહ્યું, પીપીપી અને પીએમએલ-એનએ જરૂરી સંખ્યા હાંસલ કરી લીધી છે અને હવે અમે સરકાર બનાવવાની સ્થિતિમાં છીએ.
‘ઝરદારી ફરીથી રાષ્ટ્રપતિ બનવાનું નિશ્ચિત છે’’
દરમીયાન સમજૂતીની ફોર્મ્યુલા મુજબ પીપીપીના 68 વર્ષીય કો-ચેરમેન આસિફ ઝરદારી ફરીથી દેશના રાષ્ટ્રપતિ બનવું નિશ્ચિત છે. આ સિવાય PML-Nના વરિષ્ઠ ઉપાધ્યક્ષ અને નવાઝ શરીફની 50 વર્ષીય પુત્રી મરિયમ નવાઝને પંજાબના મુખ્યમંત્રી પદ માટે નામાંકિત કરવામાં આવી હોવાના અહેવાલો છે.
‘ઈમરાન બહુમતી મેળવવામાં નિષ્ફળ’
બિલાવલે વધુમાં જણાવ્યું હતું કે ભૂતપૂર્વ વડા પ્રધાન ઇમરાન ખાનની પાર્ટી પાકિસ્તાન તહરીક-એ-ઇન્સાફ (PTI) અને સુન્ની ઇત્તેહાદ કાઉન્સિલ (SIC) દ્વારા સમર્થિત ઉમેદવાર કેન્દ્રમાં સરકાર બનાવવા માટે સંસદમાં સરળ બહુમતી મેળવવામાં નિષ્ફળ રહ્યા છે. બિલાવલે આશા વ્યક્ત કરી હતી કે પીએમએલ-એન સાથે ગઠબંધન સરકાર બનાવવાના રાજકીય નિર્ણયથી જનતામાં પણ સકારાત્મક પ્રતિક્રિયા જોવા મળશે.
‘પપ્પાને રાષ્ટ્રપતિ બનતા જોવા ઈચ્છું છું’- બિલાવલ
અગાઉ બિલાવલે એક નિવેદનમાં કહ્યું હતું કે તેઓ તેમના 68 વર્ષીય પિતા આસિફ અલી ઝરદારીને ફરી એકવાર રાષ્ટ્રપતિ બનતા જોવા માંગે છે. તેમજ તેણે જણાવ્યું હતું સ્વર્ગસ્થ વડાપ્રધાન બેનઝીર ભુટ્ટોના પતિ ઝરદારી 2008 થી 2013 સુધી રાષ્ટ્રપતિ હતા. તેમણે કહ્યું હું આ એટલા માટે નથી કહી રહ્યો કારણ કે તે મારા પિતા છે. હું આ એટલા માટે કહી રહ્યો છું કારણ કે આ સમયે દેશ ભારે સંકટમાં છે અને જો કોઈની પાસે આ કટોકટીને સાંત કરવાની ક્ષમતા છે તો તે આસિફ અલી ઝરદારી છે.
