આજની જિંદગી ખૂબ ઝડપથી બદલાઈ રહી છે. દરેક વ્યક્તિ પોતાના કામ, પૈસા અને સફળતા પાછળ દોડી રહ્યો છે. આ દોડધામમાં ઘણી વખત લોકો પોતાના સંબંધો અને ઇન્સાનિયતને પાછળ મૂકી દે છે. પહેલા લોકો એકબીજાના સુખ-દુઃખમાં સાથે ઊભા રહેતા હતા, પરંતુ આજની વ્યસ્ત જિંદગીમાં લોકો વચ્ચેનું અંતર વધતું જઈ રહ્યું છે. આજના સમયમાં ટેકનોલોજી અને મોબાઇલએ જીવનને સરળ બનાવ્યું છે, પરંતુ તેની સાથે લોકો વચ્ચેનો લાગણીસભર સંબંધ થોડો ઓછો થયો છે. ઘણી વાર આપણે આપણા આસપાસના લોકોની સમસ્યાઓને સમજવા માટે સમય કાઢતા નથી.
માણસની સાચી ઓળખ તેના સારા વર્તન અને ઇન્સાનિયતથી થાય છે. જીવનમાં પૈસા અને સફળતા મહત્વના છે, પરંતુ સૌથી મહત્વની વાત એ છે કે આપણે બીજા લોકો સાથે સન્માન અને મદદની ભાવના રાખીએ. જો દરેક વ્યક્તિ થોડો સમય કાઢીને બીજા લોકોની મદદ કરે અને સારા સંબંધો જાળવી રાખે, તો સમાજ વધુ સારો બની શકે. અંતમાં એટલું જ કહેવું યોગ્ય છે કે જિંદગી કેટલીય ઝડપથી આગળ વધી રહી હોય, છતાં ઇન્સાનિયત ક્યારેય ખોવાઈ જવી જોઈએ નહીં. કારણ કે ઇન્સાનિયત જ એ ગુણ છે જે માણસને સાચો માણસ બનાવે છે. પૈસા અને સફળતા માણસને મોટો બનાવે છે, પરંતુ ઇન્સાનિયત જ તેને સારો માણસ બનાવે છે.
સુરત- પવનકુમાર ડી. વિશ્વકર્મા – આ લેખમાં પ્રગટ થયેલાં વિચારો લેખકનાં પોતાના છે.
