ધો. 9 માં ભણતા વિદ્યાર્થીનો ધક્કો ધો. 11 માં ભણતા વિદ્યાર્થીને વાગતા મામલો બિચકયો :
નવાપુરા પોલીસે ઘટના સ્થળે પહોંચી આગળની કાર્યવાહી હાથ ધરી :
( પ્રતિનિધી )વડોદરા,તા.9
વડોદરાના નવાપુરા વિસ્તારમાં આવેલી લિટલ ફ્લાવર સ્કૂલમાં ધો. 9 અને 11 ની પરીક્ષાનું પેપર છુટ્યા બાદ નીચે ઉતરતી વેળાએ વિદ્યાર્થીને ધક્કો વાગ્યો હતો. ત્યાર બાદ ફરી આ ઘટનાનું પુનરાવર્તન થતા વિદ્યાર્થી વચ્ચે ઝપાઝપી થઇ હતી. આ ઘટનામાં શિક્ષકોએ વિદ્યાર્થીને સમજાવીને પરત મોકલી દીધા હતા. પરંતુ, બાદમાં એક વિદ્યાર્થીના જુથ દ્વારા બે વિદ્યાર્થીને માર મારવામાં આવ્યો હોવાના આક્ષેપ કરવામાં આવ્યા હતા.
વડોદરા શહેરમાં શિક્ષાના ધામમાં ફરી એક વખત વિદ્યાર્થીઓ વચ્ચે મારમારીની ઘટના બની હતી. વડોદરા શહેરના ખંડેરાવ માર્કેટથી નવાપુરા તરફ જવાના માર્ગ ઉપર આવેલી શ્રી. એમ. કે. નાડકર્ણી હાઈસ્કૂલમાં પરીક્ષાનું પેપર આપીને છૂટતા વિદ્યાર્થીને ધક્કો વાગ્યો હતો જેમાં વિદ્યાર્થી અંદર બાખડયા હતા જોકે સ્કૂલ પ્રશાસન દ્વારા આ વિદ્યાર્થીઓને સમજ આપી મોકલી દેવાયા હતા. પરંતુ એક વિદ્યાર્થીના જૂથ દ્વારા બે વિદ્યાર્થીને માર મારવામાં આવ્યો હતો. બનાવની જાણ થતાં આ ઘટનાને પગલે પોલીસ પણ દોડી આવી હતી અને આ મામલે વધુ કાર્યવાહીની તજવીજ હાથ ધરવામાં આવી હતી. શાળાના શિક્ષકનું કહેવું છે કે, આ બબાલમાં એક વિદ્યાર્થીને છોડીને તમામના માતા-પિતા જોડે વાત થઇ ગઇ છે. અને તમામે પોતાની ભૂલો સ્વિકારી છે. એક વિદ્યાર્થીના ભાઇએ શાળાના શિક્ષક જોડે પણ ગેરવર્તણૂંક કરી હોવાનું શિક્ષિકાએ જણાવ્યું હતું. શ્રી. એમ. કે. નાડકર્ણી હાઈસ્કૂલ ના સમા પીપરાણીએ જણાવ્યું કે, અહિંયા ધો. 9 અને 11 નું પેપર પુરું થયું એટલે છોકરાઓ બધા ક્લાસમાંથી ધીરે ધીરે નીચે ઉતરતા હતા. દરમિયાન ધો. 9 માં ભણતા વિદ્યાર્થીનો ધક્કો ધો. 11 માં ભણતા વિદ્યાર્થીને વાગ્યો હતો. જેથી તેણે કહ્યું હતું કે, તું મને લાત-ધક્કો મારીશ નહીં. તો મારાથી ભૂલથી વાગી ગયું, સોરી તેમ કહી દીધું હતું. બંને વચ્ચેની વાત પતી ગઇ હતી. બંને શાંતિથી ઘરે જતા રહ્યા. ત્યાર બાદ ધો. 9 ના વિદ્યાર્થીનો ધક્કો અન્યને વાગ્યો હશે, જેથી બંને વચ્ચે બોલાચાલી થઇ હતી. જેથી તેણે કહ્યું કે, તું બધાયને ધક્કો કેમ મારે છે. દરમિયાન ધો. 9 અને 11 ના બીજા છોકરાઓ, એકબીજાની સામસામે આવી ગયા હતા. અને કોઇ મામલે બોલાચાલી થઇ, અને ઝઘડો થયો હતો. અમારૂ બીજુ ધો. 10 અને 12 નું પેપર ચાલી રહ્યું હતું. અમે તેના સુપરવિઝનમાં હતા. પછી જ્યારે નીચેથી આ વાતની ખબર પડી, ત્યારે શિક્ષક નીચે ગયા હતા. અને બધાયને શાંતિથી સમજાવીને પરત ઘરે મોકલ્યા હતા. પછી જે વિદ્યાર્થીઓ આ વાતમાં સામેલ હતા, તેમને બોલાવીને જાણ કરવામાં આવી હતી. આવી મેટરોમાં સોરી સ્વિકાર કરવા જણાવ્યું હતું.
આટલા બધા વિદ્યાર્થીઓ છુટે તો ધક્કા-મુક્કી થાય, પરંતુ કેટલાક વિદ્યાર્થીઓ એકબીજા જોડે બાખડ્યા હતા. તેમણે ઉમેર્યું કે, એક વિદ્યાર્થીના માતા-પિતા જોડે કોઇ વાત થઇ શકી નથી. તેના ભાઇએ અમને કહ્યું કે, મારા માતા-પિતા વચ્ચે નહીં આવે, મારે જે કંઇ કરવું હશે તે હું કરીશ. પોલીસ અને મીડિયાને વચ્ચે લાવીશ. પરંતુ અમે તેને શાળાએ આવવા માટે આગ્રહ કર્યો હતો. અમને વાતની ખબર ન્હતી. તે તેના ભાઇને લઇને આવ્યો હતો. તેના ભાઇએ અપશબ્દોમાં વાતો કરી હતી. તે શિક્ષકને ધક્કો મારવા જતો હતો, અમે માતા-પિતાને બોલાવ્યા હતા. પરંતુ એક છોકરાના માતા-પિતા જોડે વાત થઇ નહોતી. અમે તેને બેસાડીને શાંત થવા માટે પ્રયત્ન કર્યો હતો. પરંતુ તે સીધો નીચે જતો રહ્યો હતો. અમે વિદ્યાર્થીઓના વાલીઓને જાણ કરી છે, તેમણે ભૂલો સ્વિકારી છે, એક વિદ્યાર્થીના વાલી જોડે વાત થઇ નથી. અમે તેને બેસાડવાનો પ્રયત્ન કર્યો, છતાં તે સીધો જ નીચે જતો રહ્યો, હું તેની પાછળ પણ દોડી, છતાં તે મારે જે કરવું હશે, તે કરીશ, તેવું તેણે કહ્યું, અને જતો રહ્યો હતો.
